АКТУАЛЬНЫЯ ТЭМЫ:

У трох беларускіх канькабежцаў падазрэнне на каранавірус

У трох беларускіх канькабежцаў падазрэнне на каранавірус. Яны здалі тэсты і знаходзяцца ў ізаляцыі, чакаюцца вынікі. Пра гэта ў праграме "Вынікі тыдня" на тэлеканале "Беларусь 5" паведаміў галоўны трэнер беларускай зборнай па канькабежным спорце Сяргей Мінін, перадае "Еўрарадыё".


Намеснік дырэктара РНПЦ спорту Генадзь Загародны ў той жа праграме распавёў, што "шэраг [беларускіх] спартсменаў інфікаваныя", некалькі чалавек знаходзяцца на лячэнні. Значна больш спартсменаў трапілі на каранцін. Напрыклад, на каранціне будзе знаходзіцца зборная Беларусі па біятлоне, якая вяртаецца з Фінляндыі пасля ўдзелу ў этапе Кубка свету.

"Спадзяюся, да пачатку красавіка мы пройдзем пік нацыянальнай эпідэміі, — гаварыў Загародны. — Пры Міністэрстве аховы здароўя створана рабочая група, дзе ўсе спартсмены, што прыязджаюць і выязджаюць [з краіны], падвяргаюцца асобнаму кантролю".

08:17 16/03/2020


Загрузка...
Загрузка...