АКТУАЛЬНЫЯ ТЭМЫ:

Зборная Швецыі па біятлоне выйграла эстафету на Алімпіядзе, беларусы — 8-я

Шведы выйгралі эстафету. Учора жаночая зборная Швецыі ў эстафетнай гонцы была 2-й.


У пятніцу на зімовай Алімпіядзе ў Пхёнчхане прайшла мужчынская біятлонная эстафета (4х7,5 км). Яе выйграла зборная Швецыі, на другім месцы — Нарвегія, на трэцім — Германія. Беларуская зборная заняла 8-е месца. У яе складзе выступілі Антон Смольскі, Раман Ялётнаў, Сяргей Бачарнікаў і Уладзімір Чапелін. На іх рахунку 3 штрафныя кругі і 12 дадатковых патронаў. Ад пераможцаў яны адсталі амаль на 5 хвілін.

 

Ялётнаў пасля гонкі прызнаў, што праваліў стральбу, а на трасе яго “ногі не трымалі”.

 

Зборная Францыі ў эстафеце была толькі 5-й. Нават Мартэн Фуркад у моцны вецер страляў няўдала і вымушаны быў прайсці штрафны круг. У французаў, як і ў беларусаў, былі 3 штрафныя кругі і 12 дадатковых патронаў.

euroradio.fm

16:09 23/02/2018


Загрузка...
Загрузка...