АКТУАЛЬНЫЯ ТЭМЫ:

Беларускую дэпутатку ўнеслі ва ўкраінскую базу "Міратворцы"

Дэпутатка Палаты прадстаўнікоў Нацыянальнага сходу Беларусь ад Гомельскай-Савецкай выбарчай акругі №34 Ірына Даўгала ўнесеная ва ўкраінскую базу "Міратворцы". 

Складальнікі базы звярнулі ўвагу на посты дэпутаткі пра Украіну ў месенджарах і сацсетках. Яны просяць расцэньваць гэтыя публікацыі як "свядомыя дзеянні супраць нацыянальнай бяспекі Украіны, міру, бяспекі чалавецтва і міжнароднага правапарадку, а таксама іншыя правапарушэнні".

Што ж такога напісала 54-гадовая Даўгала? Пост у яе телеграм-канале, на які звярнуў увагу "Міратворац", прысвечаны ваенным дзеянням на паўднёвым усходзе Украіны. "Украіна ўжо не памятае ці не хоча памятаць крывавыя старонкі сваёй гісторыі", — лічыць дэпутатка.


Аналагічны пост апублікаваны на старонцы Даўгала "УКантакце": "Будзем аб'ектыўныя, Украіна арыентуецца на сваіх замежных партнёраў і ў большасці выпадкаў далучаецца да заяваў i санкцый ЕС супраць нашай краіны", — працягвае яна.

База "Міратворцы" змяшчае дадзеныя людзей, якіх яе складальнікі лічаць ворагамі Украіны. У розныя часы туды траплялі Макс Корж і Сяргей Ціханоўскі (за наведванне Крыма пасля анэксіі Расіяй). Свае старонкі там ёсць у прапагандыстаў з СТВ Юліі Арцюх і Рыгора Азаронка, якія вясной рэгулярна расказвалі з экранаў, як ва Украіне "усё дрэнна", у адрозненне ад квітнеючай Беларусі.

euroradio.fm
15:02 01/08/2021


Загрузка...
Загрузка...