АКТУАЛЬНЫЯ ТЭМЫ:

Бацька Мікалая Дзядка падаў заяву ў Следчы камітэт па факце збіцця і катаванняў над сынам

Блогеру, журналісту і былому палітвязню Мікалаю Дзядку прад'явілі абвінавачванне па ч. 1 арт. 342 Крымінальнага кодэкса — арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх. Сам актывіст не прызнае сябе вінаватым.

Бацька Мікалая Дзядка падаў заяву ў Следчы камітэт па факце збіцця і катаванняў над сынам
Бацька Мікалая падаў у Следчы камітэт заяву аб узбуджэнні крымінальнай справы па факце збіцця сына. Аляксандр Дзядок патрабуе прыцягнення да адказнасці ўсіх, хто "ажыццяўляў незаконнае затрыманне Мікалая, збівая яго і ужываючы да яго катаванні, як у кватэры, так і ў будынку ГУБАЗіКа, прымушаючы яго гаварыць на камеру прызнальныя паказанні пад сцягам". 

Аляксандр Дзядок распавёў "Вясне" падрабязней па факце якіх катаванняў у дачыненні да Мікалая ён падаў заяву ў Следчы камітэт і што патрабуе ад ведамства. 

Пасля затрымання Мікалая Дзядка 12 лістапада МУС паведамляла, што ён «публічна заклікаў да ўдзелу ў масавых беспарадках і здзяйснення акцый „прамога“ дзеяння». Прэс-служба ведамства апублікавала відэа, на якім Мікалай Дзядок выглядае моцна збітым. Яго адвакатка ўжо заявіла хадайніцтва аб прызначэнні судова-медыцынскай экспертызы ў дачыненні да Дзядка. 



"На такія здзекі яны атрымалі дазвол з самага верху"

Паводле слоў бацькі Мікалая, вечарам 12 лістапада да яго ў кватэру ўварваліся сем супрацоўнікаў ГУБАЗіК, пасля чаго рушылі ўслед збіццё, пагрозы і катаванні над ім:

"Нягледзячы на тое, што ён быў адзін у кватэры, не аказваў ім ніякага супраціву, быў бяззбройны і зусім неагрэсіўны, яго сталі збіваць, патрабуючы нейкіх прызнанняў і паролі да кампутара і тэлеграму.

Да яго ўжываліся катаванні з мэтай падаўлення яго волі, у тым ліку пагрозы больш жорсткага фізічнага гвалту. Да яго былі ўжытыя катаванні ў выглядзе газу, распыленага ў твар, пры гэтым яго рукі былі скаваныя ззаду.

Блогер і журналіст «Новага Часу» Мікалай Дзядок быў затрыманы 12 лістапада ў пасёлку Сасновы Асіповіцкага раёна. На відэа, якое было распаўсюджана МУС, уяўна бачна, што Дзядок збіты. 

Яго адвакатка Наталля Мацкевіч паведаміла, што заявіла хадайніцтва аб прызначэнні судова-медыцынскай экспертызы ў дачыненні да Дзядка. "Новы Час" звязаўся з Наталляй, каб больш даведацца, што зараз адбываецца з Мікалаем Дзядком.

Усё гэта мне вядома з апублікаванага МУС відэа, з апавяданняў Мікалая адвакату і з хадайніцтва адваката следчаму. Адвакатка бачыла на целе і на твары Мікалая множныя цялесныя пашкоджанні, якія былі атрыманыя падчас збіцця ў кватэры і ў будынку ГУБАЗіКа ў Мінску. Таксама супрацоўнікі ведамства пагражалі Мікалаю далейшым гвалтам, калі ён будзе распавядаць аб злачынных дзеяннях бандытаў з ГУБАЗіКа. 

Яны цынічна здзекуючыся з Мікалая, паверыўшы ў сваю ўседазволенасць і беспакаранасць, паказалі жорстка збітага імі чалавека па цэнтральным тэлебачанні. Гэта сведчыць аб тым, што на такія здзекі яны атрымалі дазвол з самага верху. Без яго гэтыя трусы не паказалі б такое па тэлебачанні".

"Мы не спынімся ў барацьбе за жыццё і здароўе Мікалая"
Аляксандр Дзядок кажа, што блізкія і адвакат Мікалая маюць намер выкарыстоўваць усе магчымыя спосабы адстойвання і абароны яго правоў:

"Што тычыцца далейшага, магу толькі сказаць, што мой сын — не злачынец, а адзін з лепшых прадстаўнікоў нашага грамадства. Па-за залежнасці ад рашэння, якое будзе прынята па маёй заяве, гэта значыць калі не будзе ўзбуджаная крымінальная справа і бандыты з ГУБАЗіКа не будуць прыцягнутыя да крымінальнай адказнасці, мы не спынімся ў барацьбе за жыццё і здароўе Мікалая".

Нагадаем, блогера і актывіста анархісцкага руху затрымалі 12 лістапада супрацоўнікі ГУБАЗіК у пасёлку Сасновы Асіповіцкага раёна. Паводле звестак МУС, дома ў блогера знайшлі замежныя банкаўскія аплатныя карткі і буйныя сумы грошай у рознай валюце, «прызначаныя для фінансавання ўдзельнікаў пратэстаў», а таксама «шкляныя бутэлькі з гаруча-змазачнымі матэрыяламі (кактэйлі Молатава), улёткі, налепкі». Таксама пасля затрымання блогера быў узламаны яго Telegram-канал "Mikola", дзе налічвалася каля 15 тысяч падпісчыкаў. Цяпер ён знаходзіцца пад кантролем сілавікоў.

Мікалая Дзядка перавялі ў СІЗА-1 на вуліцы Валадарскага ў Мінску, цяпер ён знаходзіцца ў карантыннай камеры.

14:45 24/11/2020


Загрузка...
Загрузка...