АКТУАЛЬНЫЯ ТЭМЫ:

МУС: Пратэсты былі ў 33 гарадах, затрымалі каля 3000 чалавек

Прэс-сакратарка Міністэрства ўнутраных справаў Беларусі Вольга Чамаданава апублікавала ў Telegram заяву аб падзеях вечара 9 жніўня і ночы на 10 жніўня.

МУС: Пратэсты былі ў 33 гарадах, затрымалі каля 3000 чалавек
«Ачаговыя зборы» грамадзянаў зафіксавалі ў 33 гарадах — на цэнтральных плошчах і ля выбарчых участкаў.

Паводле МУС, затрыманыя каля 3000 чалавек, зь іх каля тысячы ў Менску, «у выніку сутыкненьняў» пацярпелі 50 грамадзянаў і 39 супрацоўнікаў міліцыі, некаторыя шпіталізаваныя. Міністэрства дадае, што частка пацярпелых грамадзянаў «знаходзілася ў стане алькагольнага ап’яненьня».

«Неабходна адзначыць, што ў дачыненьні да парушальнікаў баявая зброя не ўжывалася, — піша МУС. — Загінулых няма».

Міністэрства сьцьвярджае, што ў Менску пратэстоўцы нібыта «запальвалі фаеры, раскідвалі на праезную частку шыпы, цьвікі, будавалі барыкады з мабільных турнікетаў, разьбіралі тратуарную плітку і закідвалі ёю і іншымі прадметамі праваахоўнікаў».

Асобна МУС адзначае «актыўнае процістаяньне органам правапарадку» ў Пінску, дзе, сьцьвярджаецца ў паведамленьні, «група агрэсіўна настроеных грамадзянаў з выкарыстаньнем завостраных калоў, пруткоў, камянёў і арматуры паспрабавала арганізаваць напад на супрацоўнікаў міліцыі».

12:14 10/08/2020


Загрузка...
Загрузка...