АКТУАЛЬНЫЯ ТЭМЫ:

Пуцін абвясціў пра перанос рэферэндуму і пра непрацоўны тыдзень па ўсёй Расіі

Рэферэндум па зменах Канстытуцыі, прызначаны на 22 красавіка, пераносіцца на няпэўную дату. 

Пра гэта прэзідэнт Расіі Уладзімір Пуцін заявіў падчас свайго звароту да грамадзян Расіі з нагоды распаўсюду каранавіруса. Дата рэферэндуму будзе вызначаная пазней. 

Акрамя таго ён заявіў, што наступны тыдзень будзе непрацоўным — з захаваннем заробку. 

Гэтыя меры Пуцін патлумачыў неабходнасцю стрымаць распаўсюд эпідэміі каранавіруса.

Таксама расійскі кіраўнік агучыў шэраг мер па падтрымцы грамадзян і бізнесу. У прыватнасці, дапамогі і льготы на 6 месяцаў працягваюцца аўтаматычна. Ён прапанаваў абвясціць крэдытныя вакацыі для грамадзян. Адтэрміноўку на 6 месяцаў (акрамя ПДВ) па падатках малога і сярэдняга бізнесу, а для мікрабізнесу — адтэрміноўку і па страхавах унёсках ды інш.

16:25 25/03/2020


Загрузка...
Загрузка...