АКТУАЛЬНЫЯ ТЭМЫ:

Папін прыклад заразлівы: Гайдукевіч-малодшы ідзе ў прэзідэнты

Кіраўнік партыі ЛДП, дэпутат Алег Гайдукевіч будзе ўдзельнічаць у прэзідэнцкіх выбарах 2020 года. Такое рашэнне было прынята на пасяджэнні камітэта партыі ЛДП 9 лютага, піша Tut.by


Папін прыклад заразлівы: Гайдукевіч-малодшы ідзе ў прэзідэнты
Аб планах стаць кандыдатам у прэзідэнты Гайдукевіч заявіў яшчэ ў верасні 2018-га, але падкрэсліў тады, што кандыдата ад ЛДП выберуць на пасяджэнні камітэта партыі.

Па выніках пасяджэння камітэта 9 лютага, ЛДП скончыла папярэдняе фарміраванне ініцыятыўнай групы Алега Гайдукевіча і гатовая пачаць збор неабходных 100 тысяч подпісаў для рэгістрацыі свайго кандыдата «ўжо сёння».

— Проста цяпер у ініцыятыўную групу ўвайшло больш за 3500 чалавек і фарміраванне групы працягнецца да моманту падачы дакументаў для рэгістрацыі ў ЦВК. Сфармаваныя выбарчыя штабы ў Мінску і ў кожнай вобласці краіны, — гаворыцца ў заяве партыі.

ЛДП таксама плануе правесці Кангрэс патрыятычных сіл, на якім прадставіць праграму і каманду кандыдата ў прэзідэнты Алега Гайдукевіча.

Раней пра ўдзел у выбарах заявілі Ганна Канапацкая, Юрый Губарэвіч, Павел Севярынец, Вольга Кавалькова, Аляксей Янукевіч, Мікалай Казлоў, Сяргей Чэрачэнь. Падумваюць Аляксандр Ярашук, Сяргей Ціханоўскі і Дзмітрый Кучук, а таксама Аляксандр Лукашэнка.

Прэзідэнцкія выбары павінны прайсці не пазней за 30 жніўня 2020 года. 

пераклад НН
11:57 10/02/2020


Загрузка...
Загрузка...