АКТУАЛЬНЫЯ ТЭМЫ: Закон аб адтэрміноўках Выбары-2019 Змяненне Канстытуцыі Курапаты Беларусь-Расія Забойства Паўла Шарамета

Спікер парламента Польшчы сыходзіць у адстаўку з-за «сямейных» палётаў на ўрадавых самалётах

Спікер Сейма Польшчы Марэк Кухцінскі заявіў, што сыходзіць у адстаўку з-за скандалу вакол колькасці «сямейных» пералётаў урадавымі самалётамі.



«Заўтра я пакіну пасаду спікера Сейма. Я не парушаў закону, а супярэчлівая колькасць рэйсаў звязана з вялікай колькасцю сустрэч з жыхарамі, часта ў невялікіх гарадах», — заявіў Кухцінскі.

Спікера парламента Польшчы абвінавачваюць у тым, што ён выкарыстаў урадавыя самалёты для прыватных паездак членаў сваёй сям'і.

З сакавіка 2018 да ліпеня 2019 года Кухцінскі часта лётаў урадавымі самалётамі паміж Варшавай, дзе ён працуе, і Жэшувам, горадам на паўднёвым усходзе Польшчы, дзе ён жыве.

Гарады знаходзяцца на адлегласці 320 кіламетраў і злучаныя рэйсамі не менш за тры разы на дзень. Кошт рэйсаў агулам склаў 4 мільёны злотых (928 тысяч еўра).

nn.by
07:30 09/08/2019


Загрузка...
Загрузка...