АКТУАЛЬНЫЯ ТЭМЫ: Закон аб адтэрміноўках Выбары-2019 Змяненне Канстытуцыі Курапаты Беларусь-Расія Забойства Паўла Шарамета

Усеагульная забастоўка паралізавала Ганконг

Тысячы людзей не змаглі дабрацца да працы, адмененыя больш за 200 авіярэйсаў, піша радыё «Свабода».



Кэры Лам, кіраўніца адміністрацыі гораду, якая карыстаецца падтрымкай Пэкіну, у гутарцы з журналістамі заявіла, што пратэстоўцы штурхаюць горад на мяжу «надзвычай небясьпечнай сытуацыі».

Лам зноў адхіліла неаднаразовыя заклікі дэманстрантаў да яе адстаўкі і заявіла, што ўрад цьвёрда мае намер падтрымліваць правапарадак.

Яна таксама паведаміла, што ўрад ня выканае іншага ключавога патрабаваньня пратэстоўцаў — вызваліць арыштаваных падчас пратэстаў апошніх тыдняў.

Лам заявіла, што пратэсты выводзяць Ганконг на шлях, зь якога немагчыма зьвярнуць, і наносяць шкоду гарадзкой эканоміцы.

Паліцыянты ізноў ужылі сьлезацечны газ для разгону пратэстаў у Ганконгу

Увечары ў нядзелю ганконскія дэманстранты ў некалькіх месцах арганізавалі акцыі пратэсту, якія часам набывалі гвалтоўны характар. На дзявятым тыдні пратэстаў супраць спрэчнага законапраекту аб экстрадыцыі яны выкарыстоўвалі новую тактыку, каб пазьбегнуць сутычак са спэцназам і ўжываньня супраць іх сьлезацечнага газу.

Дзейнічаючы паводле ўжо знаёмай формулы, дзясяткі дэманстрантаў зьбіраліся ў адным месцы, будавалі барыкады і заставаліся да прыбыцьця спэцназу. Меншасьць заставалася і сутыкалася з выкарыстаньнем сьлезацечнага газу, але іншыя ўцякалі і на грамадзкім транспарце дабіраліся да новага месца.

Для Ганконгу, фінансавага цэнтру, які застаецца пад кантролем Пэкіну, гэта самы сур’ёзны палітычны крызіс з моманту яго перадачы Кітаю ў 1997 годзе. Крызіс пачаўся з выступаў супраць законапраекту (праца над ім ужо прыпыненая), які дапускаў экстрадыцыю падазраваных на мацерыковы Кітай для суду, але пасьля гэтага перарос у заклікі да пашырэньня дэмакратыі.


17:39 05/08/2019


Загрузка...
Загрузка...