АКТУАЛЬНЫЯ ТЭМЫ: Харчовыя войны Курапаты Выбары прэзідэнта Украіны Беларусь-Расія Выбары-2019 Забойства Паўла Шарамета

Каля адміністрацыі прэзідэнта затрымалі некалькіх актывістаў

Партыя «Народная Грамада», якая ўваходзіць у склад Беларускага Нацыянальнага Кангрэса, выступіла з ініцыятывай аб правядзенні малебну ў абарону Курапатаў 15 красавіка ў 18:00 ля рэзідэнцыі Лукашэнкі.


Аднак ахвочых памаліцца ля адміністрацыі чакаюць аўтазакі.

Вядома пра першыя затрыманні. Сярод затрыманых — Вячаслаў і Марына Касінеравы, а таксама Яўген Афнагель.

На малебен прыйшлі каля 10 чалавек, паведамляе Tut.by.

Каля 18.30 сем чалавек сталі ў кола, памаліліся, каб вярнулі крыжы на тое месца, адкуль іх знеслі ў Курапатах, каб закрыўся рэстаран «Паедзем паядзім». Яшчэ тры чалавекі стаялі побач з тымі, хто маліўся. Актывістка Ніна Багінская ўзняла БЧБ-сцяг, на спіне ў яе быў плакат «Свабоду народу».

Каля будынка адміністрацыі таксама прысутнічала шмат міліцыянераў у цывільным, у тым ліку і кіраўніцтва ГУУС Мінгарвыканкама. Праваахоўнікі не ўмешваліся, толькі калі актывісты ўжо сталі разыходзіцца, ім заявілі, што мерапрыемства не санкцыянавана.

У 18.47 усе разышліся.


19:49 15/04/2019


Загрузка...
Загрузка...