АКТУАЛЬНЫЯ ТЭМЫ:

Пад Кіевам знайшлі мёртвым суддзю, які вёў справу Шарамета

У сяле Паграбы Броварскага раёна знайшлі мёртвым суддзю з Кіева Віталя Пісанца.

Пра гэта паведаміла прэс-служба паліцыі Кіеўскай вобласці.

У паліцыі адзначылі, што цела суддзі было знойдзена 11 верасня. Паліцыя не паведаміла імя, аднак УНІАН са спасылкай на прэс-сакратара абласной паліцыі Ірыну Пранішнікаву напісала, што гаворка ідзе пра суддзю Пячэрскага суда Кіева Віталя Пісанца.

Віталь Пісанец быў адным з суддзяў па рэзананснай справе аб забойстве ў ліпені 2016 года беларускага журналіста Паўла Шарамета, ён неаднаразова падаўжаў меры стрымання падазраваным па справе Юліі Кузьменка, Андрэю Антоненку і Яне Дугар.

15:19 12/09/2021


Загрузка...
Загрузка...