АКТУАЛЬНЫЯ ТЭМЫ:

Каранік: віцебскія шпіталі паэтапна будуць выводзіць з аказання меддапамогі

Віцебскія лякарні плануецца паэтапна выводзіць з аказання медыцынскай дапамогі. Пра гэта міністр аховы здароўя Уладзімір Каранік заявіў на нарадзе ў Аляксандра Лукашэнкі 3 траўня. Выказванне чыноўніка перадаў тэлеканал "Беларусь 1"



Нарада 3 траўня прысвячалася эпідэміялагічнай сітуацыі ў краіне і правядзенню параду 9 траўня. Кіраўнік дзяржавы заявіў, што ад параду адмовіцца немагчыма. 

Разам з тым ён заявіў, што праблема з распаўсюдам каранавіруса стала першачарговай. Маўляў, для кіраўнікоў абласцей нават пасяўная стала другім пытаннем.

"Галоўная праблема — дапамагчы лекарам, Міністэрству аховы здароўя ў гэтай працы. Таму нельга зараз расслабіцца. Нам трэба вытрымаць... Баюся сказаць... Да пачатку лета трэба напружана вытрымаць", — заявіў Аляксандр Лукашэнка. (Раней ён планаваў вытымаць да Вялікадня.)

Уладзімір Каранік адказаў кіраўніку Беларусі так: "Сітуацыя ў Віцебску ўжо дазваляе планаваць, што паэтапна ўжо з гэтых выходных шпіталі па адным будуць выводзіць з аказання медыцынскай дапамогі, праводзіцца поўная дэзінфекцыя, на працягу тыдня".

Чыноўнік дадаў, што персанал віцебскіх лякарняў атрымае перадышку, каб потым дапамагчы рэгіёнам. 

Як вядома, Віцебск стаў адным з самых буйных ачагоў заражэння каранавіруснай інфекцыяй. 

09:23 04/05/2020


Загрузка...
Загрузка...