АКТУАЛЬНЫЯ ТЭМЫ:

У Полацку загарэлася маршрутка

5 лістапада ў 21:01 полацкім ратавальнікам паведамілі, што на вуліцы Хруцкага гарыць аўтамабіль, перадае прэс-служба МНС.

На месцы здарэння ратавальнікі пабачылі, што з салона мікрааўтобуса "Форд Транзіт" ідзе моцны дым. Супрацоўнікі МНС ліквідавалі пажар, пацярпелых пры здарэнні не было. Агонь пашкодзіў у аўтамабілі панэль, салон і маторны адсек.

Пазней высветлілася, што мікрааўтобус выкарыстоўваўся як маршрутная таксоўка. Калі ўспыхнуў агонь, аўтамабіль быў прыпаркаваны на стаянцы, у салоне нікога не было.

Мяркуецца, што прычынай пажару стала кароткае замыканне электраправодкі.

euroradio.fm
09:54 06/11/2019


Загрузка...
Загрузка...