АКТУАЛЬНЫЯ ТЭМЫ: Перапiс - 2019 Закон аб адтэрміноўках Выбары-2019 Змяненне Канстытуцыі Беларусь-Расія Забойства Паўла Шарамета

Мінскі праграміст рассылаў знаёмым патрабаванне падарваць метро

Сталічнаму жыхару ў адным з месенджараў прыйшло паведамленне з невядомага нумара на арабскай і англійскай мовах. У ім казалася, што атрымальніку трэба ўзяць пакет з самаробным выбуховым прыстасаваннем у пэўным месцы і аднесці на адну са станцый метро.


 У выпадку адмовы яго сваякам і блізкім пагражае расправа, а пры паспяховым выкананні «задання» чакае грашовае ўзнагароджанне ў 15 тысяч даляраў, паведамляе сталічная міліцыя.

Мінчанін сур'ёзна паставіўся да атрыманых пагроз і звярнуўся ў міліцыю.

Паралельна з пошукам адпраўніка паслання праваахоўнікі ўзмацнілі меры бяспекі на ўсіх станцыях метрапалітэна, усталявалі кругласутачнае назіранне за месцам, дзе «тэрарыст» нібыта збіраўся пакінуць выбуховае прыстасаванне.

Неўзабаве супрацоўнікі ГУБАЗіК выявілі, што паведамленне свайму знаёмаму адправіў 21-гадовы хлопец, які працуе інжынерам-праграмістам на адным з прыватных прадпрыемстваў. Што заахвоціла яго да падобнага ўчынку, яшчэ трэба высветліць. Вядома толькі, што дакладна такія ж паведамленні малады чалавек адправіў яшчэ тром сваім знаёмым.

nn.by
13:42 23/08/2019


Загрузка...
Загрузка...