АКТУАЛЬНЫЯ ТЭМЫ:

На будоўлі Астравецкай АЭС памёр кранаўшчык

Дачка памерлага расказала Радыё Свабода, што бацька не скардзіўся на ўмовы працы.


На будоўлі Астравецкай АЭС памёр кранаўшчык
Інфармацыя пра смерць кранаўшчыка на будоўлі Астравецкай АЭС з'явілася ў тэлеграм-канале Nexta ў аўторак. Паводле яе, цела бацькі, які быў супрацоўнікам адной з арганізацый-падрадчыкаў, знайшлі іншыя рабочыя раніцай у аўторак. На месца выехалі супрацоўнікі следчай групы. Афіцыйнага пацверджання гэтай інфармацыі пакуль няма.

Як стала вядома Свабодзе, загінуламу 53 гады, ён працаваў у арганізацыі мінскай «Белэлектрамантажналадка», жыў у Чысці (Маладзечанскі раён). У яго трое дарослых дзяцей.
Паводле дачкі памерлага, пра бяду сям’я даведалася раніцай 13 жніўня.

«Мы званілі бацьку самі ўчора, але не змаглі дазваніцца, — расказала яна. — А сёння раніцай на нумар маёй сястры пазванілі з Астраўца і расказалі пра ўсё. Цяпер мы едзем у астравецкую лякарню. Падрабязнасцяў пакуль не ведаем, нічога канкрэтнага нам не сказалі. Бацька працаваў на будоўлі АЭС, але не скардзіўся на працу. Усё было нармальна».

Алесь Пілецкі, Радыё Свабода



13:17 13/08/2019


Загрузка...
Загрузка...