АКТУАЛЬНЫЯ ТЭМЫ:

Дэпутаты вырашылі, што студэнтам хопіць адной адтэрміноўкі ад войска

Палата прадстаўнікоў прыняла сёньня ў першым чытаньні папраўкі ў законы па пытаньнях эфэктыўнага функцыянаваньня ваеннай арганізацыі дзяржавы.

Дэпутаты вырашылі, што студэнтам хопіць адной адтэрміноўкі ад войска
Законапраект прадугледжвае, што адтэрміноўку ад прызыву для працягу адукацыі ў Беларусі будуць даваць толькі адзін раз, перадае БЕЛТА.

Законапраект прадставіў міністар абароны Андрэй Раўкоў. Ён адзначыў, што паводле аб'ектыўных прычынаў Узброеныя Сілы маюць цяжкасьці з камплектаваньнем асабовага складу. Зьвязана гэта як з дэмаграфічнай сытуацыяй, пагаршэньнем здароўя юнакоў, так і з існаваньнем вялікага ліку адтэрміновак ад войска.

Па колькасьці катэгорый грамадзян, якім яны прадастаўляюцца, а іх 76, Беларусь абагнала постсавецкія краіны і далёкага замежжа.

Законапраект прадугледжвае, што адтэрміноўку ад прызыву для працягу адукацыі ў Беларусі будуць даваць толькі адзін раз. Калі адтэрміноўкай студэнт ужо скарыстаўся, то на час службы ва Ўзброеных Сілах яму будзе давацца акадэмічны адпачынак.

У адпаведнасьці з праектам закону плянуецца ўвядзеньне часовага абмежаваньня на выезд з Беларусі для грамадзян, якія не зьяўляюцца на мерапрыемствы па прызыву на ваенную службу, службу ў рэзэрве або не выконваюць абавязкі па воінскім уліку.

Калі маладому чалавеку споўніцца 27 гадоў, забарона будзе зьнятая.

15:50 26/06/2019


Загрузка...
Загрузка...