АКТУАЛЬНЫЯ ТЭМЫ:

Беларусы вінныя банкам 14,8 мільярдаў рублёў

У сакавіку прырост быў максымальны за апошнія месяцы

Беларусы вінныя банкам 14,8 мільярдаў рублёў
У сакавіку сума, якую беларусы вінныя банкам па крэдытах павялічылася на 433 мільёны рублёў. Гэта вынікае са справаздачы Нацбанка(PDF).

14,8 мільярдаў рублёў — столькі беларусы вінныя банкам па крэдытах на 1 красавіка. Сакавіцкі рост запазычанасьці перад банкамі аказаўся самым вялікім за апошнія месяцы: плюс 433 мільёны рублёў. У мінулыя месяцы гэты прырост быў у разы меней. Значыць, на фоне пандэміі беларусы адправіліся ў банкі па крэдыты.

Па спажывецкіх крэдытах беларусы вінныя банкам 5,8 мільярдаў рублёў, па крэдытах на нерухомасьць — 8,9 мільярдаў.

20 сакавіка Нацбанк рэкамэндаваў банкам даць сваім кліентам крэдытныя вакацыі. Гэта значыць адтэрміноўка для кліентаў па выплаце крэдытаў: поўная або частковая.

У адказ многія банкі прыпынілі выдачу крэдытаў ці зрабілі ўмовы выдачы больш жорсткімі.

svaboda.org
10:51 02/05/2020


Загрузка...
Загрузка...