АКТУАЛЬНЫЯ ТЭМЫ: Раскол праваслаўя Праграма ураду Атака на СМІ Мінздраў: карупцыя Курапаты Справа Федынiча Забойства Паўла Шарамета

Тэрыторыя Курапатаў павялічылася на 3,3 гектара

Месяц таму Мінкульт даў адказ на наш калектыўны зварот наконт павелічэння ахоўнай зоны Курапат. Апрача ўсяго, там значыцца, што «тэрыторыя гісторыка-культурнай каштоўнасці <…> павялічана больш чым на тры гектары». Таму ўзніае лагічнае пытанне: што далей?

Яшчэ ў чэрвені маладафронтаўцы саббралі крыху подпісаў для калектыўнага звароту ва Упраўленне па ахове гісторыка-культурнай спадчыны Міністэрства культуры Беларусі. Мы прасілі «павялічыць тэрыторыю ахоўнай зоны <…> з 50-ці да 120 метраў». Тады ж мы свой зварот адправілі па адрасе.



У сярэдзіне ліпеня мы атрымалі адказ. Яго даў намеснік міністра сп. Яцко. Аляксандр Анатольевіч пазначыў, што праект зон аховы быў распрацаваны АП Гліннікам В. В. Па замове «Мінскграда». І далей сп. Аляксандр падкрэслівае:

«…з улікам вынікаў археалагічных даследаванняў, якія былі праведзены ў 2013 годзе ДНУ „Інстытут гісторыі Нацыянальнай акадэміі навук Беларусі“ на тэрыторыі паміж лясным масівам Курапаты і межамі ахоўнай зоны, архіўных і бібліяграфічных звестак і існуючай горадабудаўнічай сітуацыі».

Таксама ў адказе зазначана, што згодна з пастановай Мінкульта ад 12 траўня 2004 года тэрыторыя ўсёй гісторыка-культурнай каштоўнасці складала 23 гектары. А цяпер, у адпаведнасці з іх новай пастановай ад 1 снежня 2014 года тэрыторыя Курапат складае 26,3 гектары.

І яшчэ:

«Праектам зон аховы 2014 года таксама ўдакладнена неадпаведнасць разыходжання меж, апісаных у тлумачальнай запісцы, і пазначаных на схеме праекта зон аховы 2004 года».

Такі адказ, шчыра кажучы, паставіў нас ў тупік. Бо чакалі такога кшталту выслоўяў, маўляў, усё паводле закону. Карацей, чакалася, што згодна з адказам мы зможам распачаць збор подпісаў ужо больш масавы. І была мэта сабраць 100 тысяч плюс 1 подпіс — не меней. Задача звышскладаная для Маладога Фронта. Але пад гэты збор мы мусілі папрасіць дапамогі у іншых арганізацый і асабліва — партый.


а вось і сам наш зварот перад адпраўкай у Мінкульт

Чакалі нядоўга. Праз пару тыдняў прыйшоў адказ ад намесніка міністра культуры. Мы трохі задумаліся. Ну як трохі? — на месяц. Аднак у галаву нічога талковага не ідзе. Хоць ты лопні, хоць ты трэсні… абыграў і тут намеснік.

Карацей, у сувязі з тым, што рашэння па далейшых дзеяннях у адпаведнасці з адказам Міністэрства культуры ў нас няма, мы просім дапамагчы. Падкіньце калі ласка пару думак, якім чынам можна далей дзейнічаць. Галоўнае, каб прапановы былі прывязаныя да адказу сп. Яцко.

12.08.18 17:19

Яўген Васьковіч