АКТУАЛЬНЫЯ ТЭМЫ:

Нацыя павінна спяваць!


Кампанія "Беларусізуем 3000 цэркваў!", якая збірала сродкі на тыражаванне носьбітаў найлепшай беларускай хрысціянскай музыкі, пачала распаўсюд плакатаў з QR-кодамі, спасылак у сеціве і 1000 дыскаў "Беларускага хрысціянскага хіта", у кожным па 150 найлепшых беларускамоўных хрысціянскіх спеваў у фармаце мр3.

Гімны, праслаўленне, госпэл, рок, рэп, поп, бардаўскія, пілігрымскія спевы ў калекцыі "Беларускага хрысціянскага хіта" - на любы густ.

Хіты ўжо загружаныя ў "воблака" у сеціве. Можна перайсці па спасылцы, спампаваць і слухаць: https://drive.google.com/drive/u/0/folders/1bnahadISHY-VMs42FhNAQ9Ei0UhalEyC?fbclid=IwAR09DZNGxnU2tCMZ1yWDrtcXVmGjV3C07Ii9xPXSdTST6V2mXtgX5aF3HiY

Цэлая фанатэка хітоў на Раство Хрыстова 2019 - цудоўны падарунак кожнай хрысціянскай царкве, парафіі, грамадзе у Беларусі.
Дзякуй усім, хто ахвяраваў і ўдзельнічаў!

"Беларускі хрысціянскі хіт" - праект, які працягваецца ўжо больш дзесяці гадоў. Сёлета 150 найлепшых беларускамоўных хрысціянскіх спеваў усіх канфесіяў, выходзіць на дысках, флэшках і плакатах (скачаць можна праз QR-коды).

Наша задача - бясплатна перадаць збор найлепшай беларускай хрысціянскай музыкі (гімны, госпэл, рок, рэп, поп, бардаўскія, пілігрымскія хіты) у кожную з трох тысячаў беларускіх цэркваў, касьцёлаў, супольнасцяў.

Прымаем замовы (калі ласка, пішыце ў каментах ці прыват).

Мы пакуль сабралі траціну ад патрэбных сродкаў - таму і вырабілі каля трэці носьбітаў.

21.11.19 18:33

Павел Севярынец