АКТУАЛЬНЫЯ ТЭМЫ: Еўрапейскія гульні ў Мінску Выбары-2019 Змяненне Канстытуцыі Курапаты Беларусь-Расія Забойства Паўла Шарамета

Аляксандр Шылін зняты з пасады старшыні Свіслацкага раённага суда

Аляксандр Шылін зняты з пасады старшыні Свіслацкага раённага суда
05.06.2019
Адзін з найбольш адыёзных суддзяў Гарадзеншчыны Аляксандр Шылін звольнены са сваёй пасады Лукашэнкам.

Аляксандр Шылін працяглы час займаў пасаду старшыні Свіслацкага раённага суда. 
Сумнавядомы сваімі шматлікімі карнымі пастановамі ў розныя гады ў дачыненні да грамадскіх актывістаў па адміністрацыйных справах, звязаных з традыцыйным фэстам Дзень памяці паўстанцаў 1863 года. 


Фармулёўка звальнення Шыліна наступная: вызваліць „от должности председателя и судьи суда Свислочского района в связи с совершением проступка, несовместимого с нахождением на государственной службе (статья 108 Кодекса Республики Беларусь о судоустройстве и статусе судей)”. Паводле неафіцыйных звестак, фармальна звальненне адбылося з-за таго, што Шылін кіраваў аўтамабілем у нецвярозым стане. Адначасна адбыўся шэраг пераназначэнняў сярод іншых суддзяў Гарадзенскай вобласці. 

Так, суддзя суда Кастрычніцкага раёна Гародні Дзмітрый Кедаль цяпер проста суддзя, а не намеснік старшыні раённага суда. Яго месца намесніка заняла цяпер Таццяна Гергель. Зінаіда Барцэвіч пераназначана старшынёй гэтага ж суда. Старшыня суда Лідскага раёна Сяргей Піпко пайшоў на падвышэнне – цяпер ён суддзя Гарадзенскага абласнога суда. Месца старшыні Лідскага раённага суда заняў ягоны ранейшы намеснік Вячаслаў Мацук. 




Дата стварэння навіны 05.06.2019
Падзяліцеся навіной з сябрамі

Возврат к списку