АКТУАЛЬНЫЯ ТЭМЫ: Забруджаная нафта Харчовыя войны Курапаты Беларусь-Расія Выбары-2019 Забойства Паўла Шарамета

МАЗ наладжвае выпуск беларуска-кітайскай копіі Мэрсэдэса

  МАЗ наладжвае выпуск беларуска-кітайскай копіі Мэрсэдэса
11.05.2019
На сайце Менскага аўтамабільнага заводу зьявілася інфармацыя пра выраб новага мікрааўтобусу беларуска-кітайскай вытворчасьці МАЗ 281040, а таксама грузавога аўтамабіля-фургона МАЗ 365022.


Новы мікрааўтобус у красавіку ўжо быў прэзэнтаваны ва Ўкраіне, якая выявіла зацікаўленасьць у закупках, піша svaboda.org
Зборка мікрааўтобусаў і фургонаў, якія зьяўляюцца ліцэнзійнымі копіямі кітайскай мадэлі JAC Sunray ўзору 2010 году, наладжаная на заводзе «Брэстмаш», які ўваходзіць у склад холдынгу «Белаўтамаз». Камплекты для зборкі будзе пастаўляць кітайская дзяржкарпарацыя JAC Motors. Аднак, МАЗ спадзяецца ў будучыні наладзіць выпуск уласных кампанэнтаў.

У мікрааўтобуса 16 пасажырскіх месцаў і 1 — для кіроўцы. Паколькі ў Беларусі рэгулярныя міжгароднія і прыгарадныя перавозкі практычна цалкам робяцца маршруткамі, стваральнікі разьлічваюць на попыт.

 Аляксандар Лукашэнка катае Ўладзіміра Пуціна на савецкім ГАЗ-69 у Магілёўскай вобласьці, 12 кастрычніка
Пакуль у Берасьці, паводле зьвестак сайту abw.by, сабраная першая партыя машын з 35 мікрааўтобусаў і 15 фургонаў. Усяго сёлета на «Брэстмашы» плянуецца сабраць 600 грузавых і пасажырскіх мікрааўтобусаў.

Чэскія адмыслоўцы ў галіне аўтамабілебудаваньня заўважылі, што зьнешне беларуска-кітайскі мікрааўтобус практычна немагчыма адрозьніць ат старой мадэлі Mercedes Sprinter другога пакаленьня, які яшчэ да сёньня прадаецца на рынку.
Гэта ня першая спроба МАЗу выйсьці на рынак з кітайскім аўтамабілем. У 2010 завод прадставіў мікрааўтобус на базе кітайскага King Long Hiase, які быў у Кітаі ліцэнзійнай вэрсіяй Toyoty HiAce. Машына, аднак, далей фазы стварэньня прататыпу не пайшла.

На базе фургону таксама плянуецца выпускаць машыны хуткай дапамогі.



Дата стварэння навіны 11.05.2019
Падзяліцеся навіной з сябрамі

Возврат к списку