АКТУАЛЬНЫЯ ТЭМЫ: Раскол праваслаўя Праграма ураду Атака на СМІ Мінздраў: карупцыя Курапаты Справа Федынiча Забойства Паўла Шарамета

У Расіі засудзілі актывістку, якая парэзала вены на знак пратэсту супраць умоваў у турмах

У Расіі засудзілі актывістку, якая парэзала вены на знак пратэсту супраць умоваў у турмах
10.11.2018
Актывістку незарэгістраванай партыі «Іншая Расія» Вольгу Шаліну арыштавалі на пяць сутак, прызнаўшы яе вінаватай у дробным хуліганстве, піша Радыё Свабода.

Нагодай стала акцыя Шалінай на выставе паліцэйскай тэхнікі ў Маскве, падчас якой актывістка парэзала сабе вены.

25 кастрычніка Шаліна на выставе залезла на аўтазак, раскідала ўлёткі з крытыкай Федэральнай службы выканання пакаранняў Расіі, пасля чаго парэзала сабе рукі. Гэтым яна хацела прыцягнуць увагу да праблемы парушэння правоў зняволеных і гвалту ў калоніях і турмах.

Актывістку затрымалі і даставілі ў шпіталь. Пазней на Шаліну завялі справу аб хуліганстве паводле матываў нянавісці да сацыяльнай групы «супрацоўнікі Федэральнай службы выканання пакаранняў». Аднак ужо на наступны дзень пракуратура закрыла справу.

6 лістапада стала вядома, што на Шаліну склалі пратакол аб дробным хуліганстве.



Дата стварэння навіны 10.11.2018

Возврат к списку