АКТУАЛЬНЫЯ ТЭМЫ: Ваеннае становішча ва Украіне Выбары-2019 Праграма ураду Атака на СМІ Мінздраў: карупцыя Забойства Паўла Шарамета

На захаванне Крэўскага замка выдзелена каля 427 тысяч долараў

На захаванне Крэўскага замка выдзелена каля 427 тысяч долараў
29.08.2018
Сёлета на захаванне Крэўскага замка дзяржавай з прэзідэнцкага фонду па падтрымцы культуры і мастацтва выдзелена 880 тысяч рублёў (гэта каля 427 тысяч долараў), інфармуе тэлеканал "Беларусь 1".

 Адбываецца "кансервацыя з элементамі рэстаўрацыі", для чаго распрацаваны антысептык — спецыяльны супрацьгрыбковы спецраствор, колер якога паўтарае аўтэнтычны колер мура (склад раствора — камерцыйная таямніца). Першачарговая задача — закансерваваць сцены і не дапусціць іх далейшага разбурэння.

Для аднаўлення вонкавага мура паўночна-заходняй сцяны Крэўскага замка, якая найбольш захавалася, вырабілі спецыяльную рэстаўрацыйную цэглу. Чакаецца, што працы скончацца да лістапада 2018 года.

Крэўскі замак быў пабудаваны вялікім князем Гедымінам у XIV стагоддзі. Ён моцна пацярпеў ад артылерыі падчас Першай сусветнай вайны — побач праходзіла лінія фронту.



Дата стварэння навіны 29.08.2018
Падзяліцеся навіной з сябрамі

Возврат к списку