АКТУАЛЬНЫЯ ТЭМЫ: Ваеннае становішча ва Украіне Выбары-2019 Праграма ураду Атака на СМІ Мінздраў: карупцыя Забойства Паўла Шарамета

Карэйскі вытворца вакцыны гатовы супрацоўнічаць у расследаваньні трагедыі ў Ганцавічах

Карэйскі вытворца вакцыны гатовы супрацоўнічаць у расследаваньні трагедыі ў Ганцавічах
17.08.2018
Карэйскі канцэрн LG Chem адказаў Свабодзе, што яму невядома пра ніводзін выпадак сьмерці дзіцяці, прычынай якой стала б вырабленая ім прышчэпка Eupenta.

Некалькі дзён таму, у сувязі са сьмерцю двухмесячнага хлопчыка і рэанімацыяй дзяўчынкі ў Ганцавічах пасьля плянавай вакцынацыі, мы зьвярнуліся з адпаведным запытам да LG Chem.

LG Chem — карэйскі хімічны канцэрн, які займаецца вытворчасьцю лекаў і вакцынаў. Паводле паведамленьняў у беларускіх СМІ, сьмерць хлопчыка і пагаршэньне здароўя дзяўчынкі ў Ганцавічах наступілі пасьля вакцынацыі прэпаратам Eupenta, вытворцам якога ад 2016 году зьяўляецца якраз гэтая фірма.

Канкрэтна, мы задалі канцэрну два пытанні:

1. Ці вядома вам пра якія-небудзь выпадкі сьмерцяў немаўлят, якія наступілі адразу пасьля вакцынацыі Эўпэнтай?

2. Ці вядома вам пра якія-небудзь нечаканыя і/або небясьпечныя пабочныя рэакцыі ў немаўлят пасьля вакцынацыі Эўпэнтай?

Сёньня мы атрымалі адказ ад службы канцэрну LG Chem па грамадзкіх сувязях:

«LG Chem ведае пра праблему зь немаўлятамі ў Беларусі. Цяпер вядзецца расьсьледаваньне і LG Chem будзе поўнасьцю супрацоўнічаць з расьсьледаваньнем у пошуках прычыны інцыдэнту.

Ад пачатку ўвядзеньня вакцыны EupentaTM на сусьветны рынак у 2016 годзе і да гэтага часу, LG Chem не атрымаў ніводнага паведамленьня ні аб пацьверджанай прычыннай сувязі сьмерці з Эўпэнтай, ні аб іншых нечаканых і/або небясьпечных пабочных рэакцыях пасьля вакцынацыі Эўпэнтай».


Дата стварэння навіны 17.08.2018
Падзяліцеся навіной з сябрамі

Возврат к списку