АКТУАЛЬНЫЯ ТЭМЫ: Ваеннае становішча ва Украіне Выбары-2019 Праграма ураду Атака на СМІ Мінздраў: карупцыя Забойства Паўла Шарамета

У Беларусі да 1 верасня будуць выдадзены 44 новыя падручнікі

У Беларусі да 1 верасня будуць выдадзены 44 новыя падручнікі
16.06.2018
У Беларусі да 1 верасня будуць выдадзены 44 новыя навучальныя дапаможнікі. Аб гэтым карэспандэнту БЕЛТА паведаміла дырэктар Нацыянальнага інстытута адукацыі (НІА) Валянціна Гінчук.

«Да пачатку 2018/2019 навучальнага года будзе выдадзена 44 новыя навучальныя дапаможнікі. У першую чаргу гэта дапаможнікі для чацвёртых і восьмых класаў. Гэта звязана з абнаўленнем у гэтых класах навучальных праграм па ўсіх прадметах», — сказала Валянціна Гінчук.

Таксама будуць выдадзены навучальныя дапаможнікі па замежных мовах для 3, 6, 9 і 10 класаў. Новыя кнігі пакладуць у партфель шасцікласнікі па матэматыцы і інфарматыцы, а таксама па працоўным навучанні. «Падыходы да распрацоўкі новых навучальных падаможнікаў застаюцца тымі ж, якія мы рэалізуем з 2015 года. Асноўнымі патрабаваннямі да новых падручнікаў з’яўляюцца даступнасць выкладання навучальнага матэрыялу, практыка-арыентаванасць задач і практыкаванняў, рэалізацыя розных форм прадстаўлення інфармацыі — дзеці будуць працаваць не толькі з суцэльным тэкстам, але і з графікамі, дыяграмамі і табліцамі, а таксама рэалізацыя ў навучальных дапаможніках міжпрадметных сувязей», — адзначыла дырэктар НІА.

Акрамя таго, новыя навучальныя дапаможнікі будуць змяшчаць спасылкі на розныя кампаненты вучэбна-метадычных комплексаў па прадметах. «Настаўнік атрымае магчымасць дыферэнцыраваць адукацыйны працэс — у падручніку будзе выкладзены неабходны матэрыял для атрымання вучнем самай высокай адзнакі, але для дзяцей, якія праяўляюць цікавасць да прадмета, дадатковы кантэн дапаможа паглыбіць веды і адпрацаваць атрыманыя навыкі», — растлумачыла Валянціна Гінчук.

Паводле яе слоў, у новых навучальных дапаможніках таксама будзе выкарыстоўвацца тэхналогія дапоўненай рэальнасці. «Яна дае магчымасць ажыўляць карцінкі і ў большай ступені візуалізаваць вывучаемы навучальны матэрыял. Загрузіўшы бясплатна на электроннае ўстройства адпаведныя праграмы, вучні змогуць больш канкрэтна ўявіць з’явы, якія вывучаюцца. Тэхналогія будзе рэалізавана ў падручніках па фізіцы і па мастацтве для восьмага класа», — рэзюмавала кіраўнік Нацыянальнага інстытута адукацыі.



Дата стварэння навіны 16.06.2018
Падзяліцеся навіной з сябрамі

Возврат к списку