АКТУАЛЬНЫЯ ТЭМЫ: Змена ўраду Атака на СМІ Мінздраў: карупцыя Курапаты Пенсійная рэформа Справа Федынiча Забойства Паўла Шарамета

У Віцебску часцей разводзяцца, чым жэняцца

У Віцебску часцей разводзяцца, чым жэняцца
06.05.2018
Дадзеныя Белстата за першы квартал 2018 года.

Яны зафіксавалі ў некаторых гарадах краіны незвычайную з’яву — колькасць разводаў тут перавысіла колькасць шлюбаў.
Дадзеныя Белстата за першы квартал 2018 года зафіксавалі ў некаторых гарадах краіны незвычайную з’яву — колькасць разводаў тут перавысіла колькасць шлюбаў.

За першыя месяцы года ў Віцебску было зарэгістравана 378 шлюбаў і 435 разводаў. Год таму за такі самы перыяд сітуацыя была амаль адваротная — 436 шлюбаў і 354 разводы.


З буйных гарадоў падобная дыспрапорцыя была зафіксавана яшчэ ў Пінску (122 шлюбы і 133 разводы) і Жодзіна (65 шлюбаў і 68 разводаў).

У іншых рэгіёнах шлюбаў усё яшчэ больш, але розніца паміж вяселлямі і разводамі змяншаецца.
Што стала прычынай такой з’явы і чаму, найхутчэй, яна будзе фіксавацца ўсё часцей?

Паводле статыстыкі, хлопцы бяруць першы шлюб у сярэднім у 28 гадоў, а дзяўчаты — амаль у 26 гадоў. Такім чынам, цяпер у ЗАГС ідуць тыя, хто нарадзіўся ў 1990-1992 гадах. Гэта час, калі Беларусь пачала падаць у дэмаграфічную яму.

То бок цяпер натуральным чынам бракуе тых, хто збіраецца жаніцца.


Найбольшая колькасць шлюбаў распадаецца праз 2 гады пасля вяселля. Гэта значыць, што разводзяцца тыя, хто нарадзіўся ў «багатыя» 1988-1990 гады. А такіх людзей зноў-такі натуральна шмат.

Наздымку: Падчас выставы вясельных паслуг у Мінску. Фота Сяргея Гудзіліна, Наша ніва.



Дата стварэння навіны 06.05.2018

Возврат к списку