АКТУАЛЬНЫЯ ТЭМЫ: Раскол праваслаўя Змена ўраду Атака на СМІ Мінздраў: карупцыя Курапаты Справа Федынiча Забойства Паўла Шарамета

"Маці-328" абвясцілі, што пачынаюць бестэрміновую галадоўку

"Маці-328" абвясцілі, што пачынаюць бестэрміновую галадоўку
03.05.2018
Раніцай 3 мая актывісткі руху "Маці-328" перадалі ў Гродзенскі аблвыканкам зварот аб далучэнні да галадаючых у Калінкавічах і Пухавічах маці.

Дакумент у адміністрацыю вобласці перадавала 27-гадовая дзяўчына Ганна, муж якой асуджаны на 9,5 гадоў. Зараз Ганна адна гадуе дзіця.
«Я нясу зварот ад маці, чые дзеці асуджаныя па артыкуле 328. Яны абвясцілі галадоўку і хочуць, каб справядлівасць перамагла ў судах і следчых камітэтах нашай краіны, — распавядае Ганна. — Я цалкам падтрымліваю гэтых жанчын, якіх не хочуць чуць. Я апынулася ў такім жа становішчы — майго мужа затрымалі ў жніўні 2016 года па артыкуле 328. За захоўванне дзікіх канопляў яго прыпісалі да наркабаронаў і далі 9,5 турмы, а я засталася адна з маленькім дзіцем. Тэрміны проста «кляпаць» людзям. І сем’яў, якіх закрануў гэта артыкул, на самай справе вельмі шмат».



Тэкст звароту:
«В связи со сложившейся напряжённой ситуацией в отношении наших осужденных детей, мы, матери, осужденных по ст. 328, выражаем свой протест против беззакония, происходящего в следственном комитете и судах г. Гродно. Мы не согласны с жестокими приговорами, которые вынесены нашим родным. Т.к. на все нарушения указные адвокатами в судах, просто закрываются глаза. Мы идем на самый отчаянный шаг. Мы присоединяемся к голодающим мамам в Калинковичах и Пуховичах против беззакония в судебной системе. Ставим Вас в известность, что в г. Гродно также будет объявлена бессрочная голодовка родственниками, чьи родные вынуждены таким образом добиваться справедливых судебных процессов.

Наше требование — это встреча с президентом РБ Александром Григорьевичем Лукашенко".

Акцыя ў Гродне пачнецца 5 мая. Таксама сюды прыедзе нехта з жанчын, якія абвясцілі галадоўку ў Калінкавічах.

Нагадаем, 27 красавіка ў Калінкавічах і пад Мінскам дзесяць чалавек з ліку родных асуджаных па артыкуле 328 КК РБ абвясцілі галадоўку. Асноўных патрабаванняў было тры — сустрэцца з прэзідэнтам, пачаць перагляд спраў па артыкуле 328, змякчыць заканадаўчыя патрабаванні па артыкуле 328.


Увечары таго ж дня жанчын, якія знаходзіліся ў Калінкавічах, наведалі прадстаўнікі мясцовай улады і запрасілі 2 мая ў Адміністрацыю прэзідэнта. Нягледзячы на сустрэчу ў Адміністрацыі, галадоўка працягваецца.
Адказнасць за наркотыкі ў Беларусі зрабілі больш жорсткай ў канцы 2014 года. Следчы камітэт аперуе такімі дадзенымі па колькасці зарэгістраваных злачынстваў, звязаных з наркотыкамі: ў 2014 годзе іх было 7193, у 2015-м — 7051, у 2016-м — 6041, у 2017-м — 5068.

hrodna.life

Дата стварэння навіны 03.05.2018

Возврат к списку