АКТУАЛЬНЫЯ ТЭМЫ: Змена ўраду Атака на СМІ Мінздраў: карупцыя Курапаты Пенсійная рэформа Справа Федынiча Забойства Паўла Шарамета

Ці скончыцца прэсаванне Жамчужнага?

Ці скончыцца прэсаванне Жамчужнага?
03.05.2018
Праваабаронца Андрэй Бандарэнка распавёў, хто ў калоніі настройвае зняволеных супраць Міхаіла Жамчужнага.

Нагадаем, што праблемы ў палітвязня Міхаіла Жамчужнага пачаліся пасля пераводу ў Горацкую калонію №9, дзе з патурання адміністрацыі для яго былі створаныя зневажальныя ўмовы для адбыцця пакарання і арганізавана кампанія траўлі, звязаная з ўсталяваннем у асяроддзі зняволеных нефармальных адносін. 

10 красавіка адміністрацыя калоніі вынесла Жамчужнаму чарговае спагнанне ў выглядзе 2 месяцаў змяшчэння ў памяшканне камернага тыпу. 
Андрэй Бандарэнка: З аднаго бок ў ПКТ лепш, чым у ШІЗА, але ў параўнані з іншымі зняволенымі, якія знаходзяцца ў жылой зоне, гэта, безумоўна, цяжкае выпрабаванне. У такой сітуацыі Міхаілу павінны былі прадаставіць бяспечнае месца, але адміністрацыя цынічна стала сцвярджаць, што ніякіх праблем у Жамчужнага няма, і, маўляў, ён адмаўляецца пераходзіць у атрад выключна з-за “ўласных перакананняў”. 


- Вядома, што ў Міхаіла Жамчужнага ёсць праблемы і ў зносінах з іншымі зняволенымі. Гэта так? 

Андрэй Бандарэнка: Мяркую, што адміністрацыя адмыслова настройвае асуджаных супраць Міхаіла. Маўляў, ён дыскрыдытуе калонію. Але гэта поўны абсурд, паколькі Жамчужны і ў Навасадах, і ў Ваўкавыску не адмаўляўся знаходзіцца ў атрадзе. І зараз гатовы перайсці ў атрад, калі спыняцца правакацыі са “статусамі”. Падчас апошняга разбіральніцтва скаргі Міхаіла ў Магілёўскім абласным судзе “засвяціўся” вельмі цікавы дакумент – заключэнне супрацоўніка аператыўнага аддзела, якія адкрыта ўказваў на наяўнасць “статусаў” у асуджаных. Зараз гэты дакумент хочуць схаваць, але ён ёсць у матэрыялах справы ў судзе і пацвярджае “крымінальны складнік” у выхаваўчай установе, перадае racyja.com


Дата стварэння навіны 03.05.2018

Возврат к списку