АКТУАЛЬНЫЯ ТЭМЫ: Ваеннае становішча ва Украіне Выбары-2019 Праграма ураду Атака на СМІ Мінздраў: карупцыя Забойства Паўла Шарамета

За час следства па справе Коржыча памёр адзін пацярпелы і загінуў сведка

За час следства па справе Коржыча памёр адзін пацярпелы і загінуў сведка
21.04.2018
Салдат, застрэлены ва Уруччы з танкавага кулямёта, быў сведкам па справе Коржыча.

Маці загінулага салдата Аляксандра Коржыча расказала журналістам «Медыя-Палесся», што за час следства памёр адзін пацярпелы і загінуў сведка.
Следчы камітэт скончыў расследаванне смерці Коржыча. Па гэтай крымінальнай справе ў якасці абвінавачаных прыцягнута трое сяржантаў. Яны праходзяць па 150 эпізодах, віну прызналі часткова. Мяркуецца, што дзеянні вайскоўцаў пацягнулі самагубства Коржыча.
Бабуля Сашы Коржыча Ганна Антонаўна памерла роўна праз 5 месяцаў пасля смерці ўнука

«Мне даслалі ліст са Следчага камітэта і апавясцілі, што следства будзе працягнута да чэрвеня, а тут раптам такі рэзкі паварот. Я ім сказала, што вы, напэўна, жадаеце, каб усе тыя, хто мае дачыненне да гэтай справы, зніклі. Справа ў тым, што роўна праз 5 месяцаў пасля смерці Сашы, 3 сакавіка, памерла яго бабуля, якая праходзіла пацярпелай па справе, а нядаўна на вучэннях ва Уруччы загінуў калега Сашы, які праходзіў сведкам. Я ўжо і не ведаю, што думаць.
Нагадаем, што 4 красавіка ў ходзе планавых заняткаў па агнявой падрыхтоўцы 120 асобнай механізаванай брыгады вайскоўцамі тэрміновай ваеннай службы, якія ўваходзілі ў экіпаж БМП, былі парушаныя меры бяспекі. У выніку адзін з членаў экіпажа старшы механік-кіроўца БМП атрымаў агнястрэльнае раненне, несумяшчальнае з жыццём. Адбылося ўсё на палігоне Уручча пад Мінскам. У хлопца трапілі з танкавага кулямёта Калашнікава.



Дата стварэння навіны 21.04.2018
Падзяліцеся навіной з сябрамі

Возврат к списку