АКТУАЛЬНЫЯ ТЭМЫ: Ваеннае становішча ва Украіне Выбары-2019 Праграма ураду Атака на СМІ Мінздраў: карупцыя Забойства Паўла Шарамета

Ці Сірыя – гэта Карыбскі крызіс 2.0

Ці Сірыя – гэта Карыбскі крызіс 2.0
17.04.2018
Але на самой справе ёсць істотныя адрозненні.

(Здымак Праўда ТВ)  Многія эксперты параўноўваюць цяперашнюю сітуацыю вакол Сірыі з Карыбскім крызісам, калі свет стаяў на парозе Трэцяй сусветнай.

Але на самой справе ёсьць істотныя адрозьненьні. У той час у абодвух бакоў былі прадметы для торгу. Цяпер іх няма. Акрамя таго, зыходзячы з пануючых у Расіі настроеў, сярод непасрэдных выканаўцаў можа не апынуцца новага Васіля Архіпава. Плюс – адносіны паміж лідарамі, якія не дазваляюць казаць, як у мінулы раз: "Ах, дык вы гэта маеце на ўвазе? Дык давайце абгаворым!" Іншая справа, што пазіцыя Расіі цяпер заснаванай ёсьць на блефе, разуменьне чаго й прадэманстраваў Трамп у сваім твіце. Таму Расія будзе ставіць на "унутраную" працу ў заходніх краінах (праз тых жа лейбарыстых у ЮК) і пакутліва вырашаць, як бы ёй "падпісаць" Кітай пад абарону Асада.
Глеба для такой гульні Расіі ўжо ёсьць падрыхтаванай. Нават, калі будуць нанесенымі ўдары па аб'ектах, меркавана зьнітаваных з хімічнай зброяй, Расія можа ўцерціся (як яна зрабіла гэта роўна год таму), але ўзмацніць ціск на палітычнае кіраўніцтва заходніх альянтаў праз фармаваньне грамадзкай думкі ў іхніх краінах. Для Расіі горш будзе, калі гаворка пойдзе пра наземную аперацыю з мэтай ліквідацыі рэжыму Асада. Але тут, як раз, зьявіцца час. 
  
З хімічнымі атакамі скончыць, як памятаем, спрабаваў Оўбама. Яшчэ ў 2013-м. На падставе прапановаў Расіі. Не дапамагло. Год таму – удары па хімічных вытворчасьцях. Не дапамагло. Заўважым, нядзельная хімічная атака – ня першая ў гэтым годзе. Існуе меркаваньне, што без прымяненьня хімічнай зброі Асаду нічога ня сьветліць, бо яму бракуе рэсурсу (у тым ліку, і людзкога) для барацьбы з узброенай апазіцыяй. Акрамя таго, выкарыстаньне хімічнае зброі дае каласальны псіхалягічны эфект, а сьляды прымяненьня можна схаваць (асабліва, калі выкарыстоўваць хлор, і асабліва, калі дастаўляць не па паветры). Таму падобныя атакі, як мяркуюць, будуць працягвацца. І тут перад міжнароднай супольнасьцю паўстае вельмі няпростая праблема: заплюшчваньне вачэй і выказваньне глыбокай заклапочанасьці могуць прывесьці да зьняцьця псіхалягічнага бар'еру на выкарыстаньне хімічнай зброі разнастайнымі дрэннымі хлопцамі – ня толькі ў Сірыі. У гэтай сітуацыі перспектыва наземнай аперацыі не выглядае зусім не магчымай. Канечне, мала хто яе прагне. Могуць узмацніць санкцыі. Тым больш, што гэта, як дэманструюць біржавыя паказальнікі, працуе.

Яўген Красулін, АГП



Дата стварэння навіны 17.04.2018
Падзяліцеся навіной з сябрамі

Возврат к списку