АКТУАЛЬНЫЯ ТЭМЫ: Ваеннае становішча ва Украіне Выбары-2019 Праграма ураду Атака на СМІ Мінздраў: карупцыя Забойства Паўла Шарамета

Украіна афіцыйна прызнала Расію дзяржавай-агрэсарам

Украіна афіцыйна прызнала Расію дзяржавай-агрэсарам
21.02.2018
Прэзыіэнт Украіны Пётр Парашэнка падпісаў закон аб рэінтэграцыі Данбасу, паведамляе прэс-служба кіраўніка дзяржавы ў Twitter, піша Радыё Свабода.

«Сёння, як я і абяцаў, падпісваю закон аб рэінтэграцыі Данбасу, які ніводнай літарай не закранае міжнародных абавязацельстваў Украіны, уключаючы Мінскія дамоўленасці», — заявіў Парашэнка.


 

Парламент Украіны прыняў закон «Аб асаблівасцях дзяржаўнай палітыкі па забеспячэнню дзяржаўнага суверэнітэту Украіны на часова акупаваных тэрыторыях у Данецкай і Луганскай абласцях» 18 студзеня.

 

У дакуменце, у прыватнасці, ёсць пункт аб прызнанні Расіі дзяржавай-агрэсарам. Дзеянні Украіны ў рэгіёне вызначаюцца як стрымліванне і адпор расійскай узброенай агрэсіі ў Данецкай і Луганскай абласцях на падставе артыкулу 51 Статуту ААН, які вызначае права дзяржаваў на самаабарону. У дакуменце таксама адзначаецца, што часовая акупацыя Расійскай Федэрацыяй тэрыторыяў Украіны, незалежна ад яе працягласці, з'яўляецца незаконнай і не стварае для Расіі ніякіх тэрытарыяльных правоў.

 

19 студзеня народныя дэпутаты ад «Апазіцыйнага блоку» зарэгістравалі ў Вярхоўнай Радзе Украіны праект пастановы аб адмене рашэння аб прыняцці закону, тым самым заблакаваўшы падпісанне дакументу.

 

6 лютага Вярхоўная Рада Украіны не падтрымала ўнесены «Апазіцыйным блокам» праект пастановы.

 

8 лютага старшыня парламенту Андрэй Парубій падпісаў праект закону.

 

Міністэрства замежных справаў Расіі заяўляе, што дакумент супярэчыць Мінскім пагадненням і пагражае эскалацыяй на ўсходзе Украіны, піша Новы час.


Дата стварэння навіны 21.02.2018
Падзяліцеся навіной з сябрамі

Возврат к списку