АКТУАЛЬНЫЯ ТЭМЫ: Змена ўраду Атака на СМІ Мінздраў: карупцыя Курапаты Пенсійная рэформа Справа Федынiча Забойства Паўла Шарамета

Мітрапаліт Павел адзначыўся скандальнай заявай, што ў «праваслаўных і ўніятаў розны Бог»

Мітрапаліт Павел адзначыўся скандальнай заявай, што ў «праваслаўных і ўніятаў розны Бог»
05.02.2018
Ён прамовіў гэта ў ходзе абмеркавання сітуацыі ў вёсцы Бярозаўка Віцебскай вобласці, дзе праваслаўныя вернікі вымушаныя хадзіць у касцёл, бо царквы там няма.

Калі б усё навокал стала праваслаўным, то Хрыстос пакінуў бы царкву»: Фёдар Поўны ўпікнуў мітрапаліта Паўла? 

«Адзін будынак выкарыстоўваюць і праваслаўныя, і каталікі. Але гэта ні ў якім разе не з’яўляецца нейкай уніяй. Задача ўніятаў — сказаць, што ў нас адзін Бог. Выбачайце, дык у нас не адзін Бог, сябры мае. У вас свой Бог, бо вы па-іншаму ў Бога верыце. Вы па-іншаму яго вызнаяце. Бог сапраўды адзін, але ў карпарацыі свой бог, у нейкі сектанцкай арганізацыі — свой. Яны да нашага супольнага Творцы і Госпада ніякага дачынення не маюць. Госпад жа ў Евангеллі казаў: «У вас чэрава — Бог, у вас мамона — Бог». У язычнікаў жа таксама ідал — бог. Але для нас, праваслаўных, гэта цацанка. Гэтак жа і ўніяты», — сказаў іерарх і дадаў, што не варта ўмешвацца ў жыццё змяшаных каталіцка-праваслаўных сем'яў, калі яны «жывуць у міры і згодзе» і пакуль «не саспелі стаць праваслаўнымі».

 

Такія словы мітрапаліта выклікалі рэакцыю не толькі ў грамадстве, але і сярод самога кліра — крыніцы «Нашай Нівы» паведамляюць, што ў прыватных абмеркаваннях заявы Паўла ацэньваюць як сведчанне «прафесійнай непрыдатнасці» аўтара.

 

Адметна, што і ўплывовы святар Фёдар Поўны, які штонядзелю чытае пропаведзь у эфіры канала АНТ, таксама згадаў гэтую гісторыю — праўда, выказаўся ён іншасказальна, але паралелі даволі ясныя.

 

 

 

Фёдар Поўны, настаяцель храма Усіх Святых

 

«Калі б я быў д'яблам, я б дапамог праваслаўю атрымаць перамогу на ўсіх франтах, каб усе і ўся навокал сталі праваслаўнымі: праваслаўнае заканадаўства, праваслаўнае войска, школы, бальніцы, клубы, спартовыя секцыі. Дзячы сад імя Сергія Раданежскага, тэатр імя Іаана Кранштадскага, вуліцы б запоўнілі білборды з цытатамі святых, у камп'ютарах запрацавала б сістэма «Артадаксія», па суботах і нядзелях дзецям бы толькі посную ежу давалі… — сказаў Поўны. — І тады, незаўважна, царква стане мірской установай. Стане, як партыя ў СССР — спрачацца не будуць, але і не палюбяць, на кухнях будуць расказваць анекдоты пра архіерэяў. І ў адзін дзень высветліцца, што царквы няма, засталіся толькі формы, Хрыстос сышоў».

 

«Форма, якая страціла змест, нікому не трэба», — рэзюмаваў ён.

 

Таксама Поўны акцэнтаваў увагу на тым, што «сёння многія шчырыя вернікі бягуць з царкоўных арганізацый, каб не згубіць веру», піша НН.


Дата стварэння навіны 05.02.2018

Возврат к списку