АКТУАЛЬНЫЯ ТЭМЫ: Мінздраў: карупцыя Курапаты Пенсійная рэформа ЧС-2018 Матулі 328:галадоўка Эканамічны крызіс Забойства Паўла Шарамета

Зноў суд: паўторна судзяць жанчыну за смерць немаўляці падчас хатніх родаў

Зноў суд: паўторна судзяць жанчыну за смерць немаўляці падчас хатніх родаў
09.01.2018
Сёння ў Віцебскім абласным судзе пачнецца паўторны разгляд крымінальнай справы Вольгі Сцяпанавай, раней асуджанай за смерць дзіцяці падчас хатніх родаў.

3 лістапада 2017 году Віцебскі абласны суд задаволіў апэляцыйную скаргу жанчыны на вырак суду Чыгуначнага раёну, у якім там Вольгу Сцяпанаву прызналі вінаватай у прычыненьні сьмерці па неасьцярожнасьці. Справу, распачатую супраць яе паводле артыкулу 144 Крымінальнага кодэксу, накіравалі на паўторны разгляд, і цяпер гэта зробіць ужо не раённы, а Віцебскі абласны суд.

 

Чаму паўторны разгляд не даверылі Чыгуначнаму райсуду, дзе справа разьбіралася раней, не патлумачылі.

 

Суд пачаўся. Судздзя абласнога суду Галіна Бондал адразу абвясьціла, што працэс закрыты, бо падчас яго будуць агучаныя зьвесткі з асабістага жыцьця падсуднай. Самой Вольгі Сцяпанавай на працэсе няма ( ажуць, яна напісала хадайніцтва, каб справу разглядалі безь яе), яе інтарэсы прадстаўляе адвакат Надзея Бірукова. Адвакатка сказала, што нешта камэнтаваць будзе толькі па выніках. Тэрміны, калі завяршыцца разгляд справы, прадказваць не бярэцца.

 

Падчас першага разгляду справа Вольга Сцяпанава настойвала на тым, каб суд быў адкрытым. Яна не лічыла сябе вінаватай у сьмерці народжанай дома дзяўчынкі і цяпер трымаецца той самай пазыцыі.

19-га лютага 2017 году ў віцебскай кватэры маці жыхарка Санкт-Пецярбургу Вольга Сьцяпанава нарадзіла сваю малодшую дачку, але не змагла даць рады, калі заўважыла, што дзіця ня дыхае. Паводле сваякоў, выкліканая хуткая дапамога прыехала несвоечасова, і дзіця ўратаваць не змаглі. Менавіта мэдыкаў Вольга Сьцяпанава вінаваціць у сьмерці дзіцяці. Пра гэта яна адкрыта заявіла ў відэазвароце да Аляксандра Лукашэнкі, дзе прасіла спыніць распачатую супраць яе крымінальную справу ды пакараць лекараў, якія, на яе думку, неналежным чынам выканалі свае прафэсійныя абавязкі.

 

7-га верасня Чыгуначны райсуд Віцебску прызнаў Вольгу Сцяпанаву вінаватай у сьмерці нованароджанай дачкі. Ёй было прысуджана пакараньне ў выглядзе пазбаўленьня волі тэрмінам на 6 месяцаў з адбыцьцём пакараньня ў папраўчай калёніі ва ўмовах калёніі-пасяленьня. Жанчына скарысталася сваім правам на абскарджаньне прысуду і пасьля працэсу ў раённым судзе знаходзілася ў Віцебску пад падпіскай аб нявыездзе. 3-га лістапада калегія абласнога суду разгледзела скаргу жанчыны і адмяніла вырак.

 

Неўзабаве пасьля адмены прысуду, выступаючы перад зьездам акушэраў-гінэколягаў і нэанатолягаў Беларусі, міністар аховы здароўя Валеры Малашка адзначыў, што ня лічыць вінаватымі ў сьмерці немаўляці ні хатнюю парадзіху, ні лекараў. Хоць адзначыў, што ў беларускіх радзільнях створаны добрыя ўмовы і ён не прыхільнік таго, каб выбіраць у якасьці альтэрнатывы хатнія роды. Выказваньні міністра аховы здароўя далі падставы тым, хто ня лічыць Вольгу Сцяпанаву вінаватай, спадзявацца на скасаваньне крымінальнай справы з прычыны адсутнасці складу злачынства.



Дата стварэння навіны 09.01.2018

Возврат к списку

cashback