АКТУАЛЬНЫЯ ТЭМЫ: Мінздраў: карупцыя Курапаты Пенсійная рэформа ЧС-2018 Матулі 328:галадоўка Эканамічны крызіс Забойства Паўла Шарамета

Загадчыца садка, з якога збеглі дзеці: Мяне звольнілі, гэта праўда

Загадчыца садка, з якога збеглі дзеці: Мяне звольнілі, гэта праўда
05.01.2018
Загадчыца светлагорскага дзіцячага садка №21, адкуль збеглі тры малалетнія хлопчыкі і з'ехалі на цягніку ў Жлобін, звольненая.

Алена Галаўко. Фота з яе старонкі ў Аднакласніках.


"Мяне звольнілі, гэта праўда", — пацвердзіла інфармацыю ў размове з Еўрарадыё Алена Аляксандраўна.

 

Па дэкрэце №5 ад 15 снежня 2014 года "Аб узмацненні патрабаванняў да кіруючых кадраў і работнікаў арганізацый" і артыкуле 20 "Кодэкса аб адукацыі" звольненая і выхавальніца групы, з якой уцяклі хлопчыкі.

 

Па словах Наталлі Кендыш, намесніцы старшыні камісіі па справах непаўналетніх Светлагорскага райвыканкама, у гэтай сітуацыі можна шукаць вінаватых сярод выхавальнікаў і бацькоў. Але галоўнае пытанне хочацца задаць тым, хто бачыў дзетак і не пацікавіўся, дзе іх бацькі.

 

Кендыш: "Трое маленькіх дзяцей ідуць па горадзе метраў 500-700. Гадзіна-пік. Людзі ідуць з працы, з крамы. Дзетак ніхто не спыняе. Чаму дзеці пакінулі тэрыторыю дзіцячага садка? Таму што бацькі забіралі дзяцей і не лічылі патрэбным зачыніць за сабой браму на клямку. Сказаць, што ніхто не бачыў, што дзеці пакідалі тэрыторыю садка — такога не можа быць: у пяць гадзін у куце, а там два дзіцячыя садкі, заўсёды нехта ходзіць. На пероне на дызель-цягнік Светлагорск-Жлобін таксама заўжды шмат людзей. Я апускаю каментарыі з нагоды працы выхавальніка. Цяпер усе шукаюць вінаватых. А дзе былі ўсе мы?"

 

Як інфармавала Еўрарадыё, здарэнне адбылося 3 студзеня. Бацькі прыйшлі забіраць дзяцей, а тых у садку не аказалася. Зніклі тры хлопчыкі ва ўзросце 3-4 гадоў. Па трывозе паднялі мясцовую міліцыю, але дзяцей хутка знайшлі — яны ехалі на дызель-цягніку ў Жлобін.





Дата стварэння навіны 05.01.2018

Возврат к списку

cashback