АКТУАЛЬНЫЯ ТЭМЫ: Раскол праваслаўя Праграма ураду Атака на СМІ Мінздраў: карупцыя Курапаты Справа Федынiча Забойства Паўла Шарамета

На Філіпіны абрынуўся трапічны шторм: больш за 100 загінулых

На Філіпіны абрынуўся трапічны шторм: больш за 100 загінулых
23.12.2017
Больш за 100 чалавек, паводле папярэдніх звестак, загінулі ў выніку трапічнага шторму, які абрынуўся на поўдзень Філіпін. Дзясяткі людзей прапалі без вестак.


Шторм Тэмбін прывёў да паводак і селяў у некалькіх раёнах выспы Мінданаа, паведамляе Бі-бі-сі.

 

Хуткасць ветру падчас шторму дасягала 80 км/г, зараз шторм накіроўваецца да паўднёвай часткі выспы Палаван. Пасля гэтага ён, як чакаецца, працягне рух на захад.

 

Асабліва моцна пацярпелі філіпінскія гарады Тубад і Піапага, дзе многія дамы былі пахаваныя пад кучамі камянёў.

 

 

Прадстаўнік паліцыі ў Тубадзе распавёў Франс прэс, што ў горадзе загінулі прынамсі 19 чалавек.

 

«Узровень вады ў рацэ падняўся і вялікая частка дамоў былі змытыя. Вёскі больш няма», - распавёў ён.

 

Ён дадаў, што добраахвотнікі спрабуюць адкапаць целы людзей з бруду ў вёсцы Далама.


Дата стварэння навіны 23.12.2017

Возврат к списку