АКТУАЛЬНЫЯ ТЭМЫ: Раскол праваслаўя Змена ўраду Атака на СМІ Мінздраў: карупцыя Курапаты Справа Федынiча Забойства Паўла Шарамета

«Беларуснафта» можа страціць кантракты на распрацоўку газавых радовішчаў ва Ўкраіне

«Беларуснафта» можа страціць кантракты на распрацоўку газавых радовішчаў ва Ўкраіне
30.10.2017
Генэральная пракуратура Ўкраіны расследуе справу ў дачыненні службовых асобаў дзяржаўнага прадпрыемства «Укргазвидобування», якія абвінавачваюцца ў завалоданні дзяржаўнымі сродкамі ў асабліва буйных памерах.

У прыватнасці, следчыя пракуратуры перакананыя, што падчас правядзення тэндэраў на распрацоўку газавых радовішчаў у Палтаўскай і Харкаўскай абласцях прадстаўнікі ўкраінскага прадпрыемства «ў змове са службовымі асобамі замежных кампаніяў» перавысілі вартасць адпаведных працаў.

 

Сярод гэтых замежных кампаніяў называюцца румынская Tacrom Services S.R.L. і беларускае прадпрыемства «Беларуснафта». Летась кожная з гэтых кампаніяў падпісала з «Укргазвидобування» рамачную дамову на правядзеньне 100 апэрацыяў гідраразрыву пластоў на агульную суму 400 мільёнаў грыўняў (амаль 15 мільёнаў даляраў у эквіваленце).

 

На патрабаваньне пракуратуры суд прызначыў пазаплянавую праверку «Укргазвидобування» наконт выкананьня заканадаўчых нормаў у сфэры нетракарыстаньня. У прыватнасьці, падчас праверкі мусяць высьветліць наяўнасьць адмысловых дазволаў на правядзеньне працаў і іх узьдзеянне на наваколле.

 Разам з тым, паводле ўкраінскіх СМІ, у крымінальнай справе ўжо ёсьць матэрыялы, што сьведчаць — працы па гідраразрыве пластоў праводзіліся без дазвольных дакумэнтаў у парушэньне тэхналягічных і экалягічных патрабаваньняў. Калі гэта будзе даведзена ў судзе, то залучэньне беларускай і румынскай кампаніяў будзе прызнанае незаконным.

 Экспэрт энэргетычных праграмаў Цэнтру Разумкова (Кіеў) Віктар Лагацкі мяркуе, што сытуацыя стала вынікам канкурэнтнай барацьбы на газавым рынку:

 «Вельмі шмат кампаніяў, якія хацелі б даваць Украіне паслугі ў нафта- і газасэрвісе. Гэты рынак вельмі цесны — ёсьць польскія кампаніі, украінскія, кітайскія, харвацкія... Паміж імі і трывае канкурэнцыя, бо на гэтым рынку цяпер ёсьць рэальныя кошты, таму і вядзецца такая барацьба», — патлумачыў экспэрт.

 

Віктар Лагацкі выключае магчымасць удзелу кіраўніцтва прадпрыемства «Укргазвидобування» у карупцыйнай змове:

 «Новы мэнэджэмэнт — гэта выхадцы з аўтарытэтнай міжнароднай кампаніі McKinsey&Company. Я ня веру ў гэта. З пункту гледжання дзелавой этыкі, такі мэнэджмэнт ня будзе браць удзел у нейкіх гульнях паводле дамоўленага сцэнару у тым або іншым тэндэры. Я мяркую, што тэндэр адбыўся настолькі празрыста, на колькі гэта дазваляла створаная ва Ўкраіне сыстэма дзяржаўных закупак ProZorro. Ня думаю, што гэтая справа завершыцца разрывам кантрактаў», — дадаў экспэрт.


Автор:  "Бларускі партызан"
Спасылка на крыніцу:  па інф.радыё Свабода

Дата стварэння навіны 30.10.2017

Возврат к списку