АКТУАЛЬНЫЯ ТЭМЫ: Атака на СМІ Мінздраў: карупцыя Курапаты Пенсійная рэформа Матулі 328:галадоўка Эканамічны крызіс Забойства Паўла Шарамета

Міліцыянт прыйшоў у дзіцячую бальніцу складаць пратакол на актывістку

Міліцыянт прыйшоў у дзіцячую бальніцу складаць пратакол на актывістку
12.10.2017
У Бабруйску кіраўнік аддзелу аховы правапарадку падпалкоўнік Сяргей Рудзько прыйшоў у дзіцячае аддзяленне гарадзкой інфэкцыйнай бальніцы, каб скласці пратакол на актывістку прафсаюзу радыёэлектроннай прамысловасці (РЭП) Галіну Лазараву, якая ляжыць там з малым дзіцём.


На дымку: Падпалкоўнік Сяргей Рудзько складае пратакол у дзіцячым шпіталі


Міліцыя вінаваціць Галіну Смірнову ва ўдзеле ў пікеце на бабруйскай плошчы Перамогі ў мінулую суботу. Яе хацелі затрымаць яшчэ тады, але праваабаронца Алег Жалноў, які вёў стрым у Фэйсбук, і іншыя ўдзельнікі пікету гэтаму перашкодзілі, перадае Свабода.


Тры дні пасьля пікету падпалкоўнік Рудзько патрабаваў ад Галіны Лазаравай, каб яна прыйшла ў аддзяленьне міліцыі. Але ў яе дома трое малых дзяцей, да таго ж адно дзіцё захварэла, ажно прыйшлося класьціся зь ім у шпіталь. І там Рудзько дагнаў актывістку.

 

Допыт ён вёў у працэдурным пакоі -- паводле сьведкаў, маленькім і душным. Галіна Лазарава патэлефанавала сябрам, да яе ў бальніцу прыехала кіраўніца бабруйскай суполкі РЭП Галіна Смірнова, актывіст Уладзімер Усер і Алег Жалноў. Сябры абурыліся, чаму Рудзько трымае маці з хворым дзіцём. Алег Жалноў пачаў весьці стрым з гэтага допыту, Рудзько абвінаваціў яго ў перашкодзе адміністрацыйнаму працэсу і выклікаў міліцыю.

 

— Рудзько стаў на нас крычаць, — расказала Свабодзе Галіна Сьмірнова, — а калі мы пайшлі на выхад, спрабаваў спыніць, каб мы не сышлі да прыезду іншых міліцыянтаў. Усе пацыенты сабраліся на гэтыя крыкі, лекары — усе былі ў шоку.

ктывісты выйшлі з будынку бальніцы, і тут міліцыянты затрымалі Алега Жалнова і Уладзімера Усера, да ночы яны знаходзіліся ў ГУУС. Галіне Смірновай падпалкоўнік Рудзько пасьпеў таксама выпісаць пазоў:

 Пікет у Бабруйску 7 кастрычніка, у цэнтры Галіна Лазарава

— Але я яго не ўзяла. Што яшчэ за пазовы ў бальніцы, які «адміністрацыйны працэс» у бальніцы?!

 

Сяргей Рудзько вядомы ў Бабруйску пераследам дэмакратычных актывістаў. Ён зрабіў імклівую кар’еру з капітана да падпалкоўніка.


Спасылка на крыніцу:  Свабода

Дата стварэння навіны 12.10.2017

Возврат к списку