АКТУАЛЬНЫЯ ТЭМЫ: Ваеннае становішча ва Украіне Выбары-2019 Праграма ураду Атака на СМІ Мінздраў: карупцыя Забойства Паўла Шарамета

Іспанская паліцыя страляе гумовымі кулямі па ўдзельніках рэферэндуму ў Каталоніі

Іспанская паліцыя страляе гумовымі кулямі па ўдзельніках рэферэндуму ў Каталоніі
01.10.2017
Цяпер спецназ штурмуе некаторыя выбарчыя ўчасткі, каб сарваць галасаванне.

Іспанская паліцыя прымяніла гумовыя кулі для разгону людзей, якія сабраліся ў Барселоне каля ўчасткаў для галасавання на рэферэндуме аб незалежнасці Каталоніі. Відавочцы кажуць, што бачылі людзей у крыві, паведамляе Грамадскае.

 

Яшчэ да адкрыцця выбарчых участкаў людзі прыйшлі туды, каб абараніцца ад іспанскай паліцыі. Большая частка школ Каталоніі заблакаваная праваахоўнікамі. 

У Каталоніі сёння, 1 кастрычніка спрабуюць правесці рэферэндум аб незалежнасці ад Іспаніі. Улады аўтаноміі настойваюць, што галасаванне адбудзецца, нягледзячы на ўсе перашкоды, учыненыя Мадрыдам. У бюлетэнях для галасавання толькі адно пытанне: “Ці хочаце вы, каб Каталонія стала незалежнай дзяржавай у форме рэспулікі?”, і два варыянты адказу — так ці не.

 

За некалькі дзён да рэферэндуму ўлады Іспаніі канфіскоўвалі бюлетэні, штрафавалі буйных каталонскіх чыноўнікаў і часова затрымалі дзясяткі палітыкаў, якія выступалі за незалежнасць.


У Каталоніі сёння, 1 кастрычніка спрабуюць правесці рэферэндум аб незалежнасці ад Іспаніі. Улады аўтаноміі настойваюць, што галасаванне адбудзецца, нягледзячы на ўсе перашкоды, учыненыя Мадрыдам.

 

Як перадае ВВС, у нядзелю раніцай жыхары Каталоніі пачалі выстройвацца ў чэргі ля ўчасткаў для галасавання, абсталяваных у школах — за некалькі гадзінаў да афіцыйнага пачатку галасавання. Ля ўваходаў на некаторыя ўчасткі стаяць трактары, каб заблакаваць магчымыя дзеянні паліцыі.

 

У суботу іспанская паліцыя апячатала 1300 будынкаў з 2315 школ у рэгіёне, дзе планавалася правесці галасаванне. Раней паліцыя заняла будынак тэлекамунікацыйнага цэнтру ўраду Каталоніі. Улады аўтаноміі заяўляюць, што да рэферэндума ўсё гатовае, і прадказваюць высокую яўку.

 

У бюлетэнях для галасавання толькі адно пытанне: “Ці хочаце вы, каб Каталонія стала незалежнай дзяржавай у форме рэспублікі?”, і два варыянты адказу — так ці не.

 

Напярэдадні рэферэндума ў Барселоне прайшла буйная дэманстрацыя праціўнікаў галасавання, якія выйшлі на цэнтральную плошчу і спалілі там сцяг Каталоніі. Мадрыд накіраваў у рэгіён тысячы паліцыянтаў.

 

За некалькі дзён да рэферэндуму ўлады Іспаніі канфіскоўвалі бюлетэні, штрафавалі буйных каталонскіх чыноўнікаў і часова затрымалі дзясяткі палітыкаў, якія выступалі за незалежнасць.

 

У Каталоніі, эканамічна развітай аўтаноміі, жыве 7,5 мільёна чалавек. Гэта народ са сваёй мовай, культурай і шырокімі правамі, але ж іспанская канстытуцыя не прызнае незалежнасць рэгіёну.

 

У 2015 годзе на мясцовых выбарах да ўлады ў Каталоніі прыйшоў альянс партыяў, якія выступаюць за незалежнасць. Але ж пры гэтым каля 40% выбаршчыкаў падтрымалі партыі, якія выступаюць супраць гэтага.

па матэрыялах Еўрарадыё


Дата стварэння навіны 01.10.2017
Падзяліцеся навіной з сябрамі

Возврат к списку