АКТУАЛЬНЫЯ ТЭМЫ: Выбары-2019 Змена ўраду Атака на СМІ Мінздраў: карупцыя Курапаты Пенсійная рэформа Забойства Паўла Шарамета

Гуляць дык гуляць! The Times рэкамендуе правесці выходныя ў Мінску

Гуляць дык гуляць! The Times рэкамендуе правесці выходныя ў Мінску
04.09.2017
Мінск трапіў у топ-30 месцаў, турыстам раяць пакаштаваць тут мачанку і схадзіць у Вялікі тэатр оперы і балета.

 «Стаміліся ад Парыжа або Рыма? Тады паспрабуйце правесці выхадныя ў Таліне ці Мінску — менш чым за 250 фунтаў стэрлінгаў», — піша выданне. Тым больш для паездкі ў Беларусь працягласцю да 5 дзён можна абысціся без візы.

«Футурыстычная архітэктура побач з савецкімі шматпавярховікамі і роспісамі, а таксама мноства пасляваенных помнікаў. Абавязкова паглядзіце оперу і балет у Вялікім тэатры, дзе добрыя месцы часта прадаюць менш чым за 1 фунт. Ежа тут таксама добрая, у рэстаранах падаюць салянку — востры кіслы суп, і бліны з мясной падлівай [імаверна, маюць на ўвазе мачанку]. Увечары ідзіце за мясцовымі жыхарамі да шматлікіх тавернаў у нямецкім стылі», — рэкамендуюць аўтары матэрыялу, піша tut.by

 

Мінск займае пяты радок у рэйтынгу выдання.

У ім таксама Харватыя (гарады Задар і Пула), Македонія (Охрыд), Францыя (Дынар), Балгарыя (Варна, Бургас і Плоўдзіў), Італія (Олбія), Славакія (Браціслава і Кошыцы), Швецыя (Мальмё), Іспанія (Херас і Саламанка), Данія (Орхус і Ольбарг), Сіцылія (Модзіка), Чэхія (Пардубіцы), Славенія (Піран), Румынія (Бухарэст), Нарвегія (Ставангер), Грузія (Кутаісі), Польшча (Кракаў і Гданьск), Косава (Прышціна), Чарнагорыя (Падгорыца), Эстонія (Талін), Германія (Фрыдрыхсхафэн), Грэцыя (Прэвеза) і Венгрыя (Дэбрэцэн).



Дата стварэння навіны 04.09.2017

Возврат к списку