АКТУАЛЬНЫЯ ТЭМЫ: Раскол праваслаўя Праграма ураду Атака на СМІ Мінздраў: карупцыя Курапаты Справа Федынiча Забойства Паўла Шарамета

Выйшаў захапляльны мульцік аб гісторыі Беларусі ў шарыках

 Выйшаў захапляльны мульцік аб гісторыі Беларусі ў шарыках
30.08.2017
У сярэдзіне жніўня на Ютубе выклілі відэа «COUNTRYBALLS. Гісторыя Беларусі». Літаральна за пару тыдняў мультфільм набраў звыш за 400 тысяч праглядаў.

Што такое Countryballs? У літаральны перакладзе country значыць «краіна», а balls — «шарыкі, мячыкі», піша НН. Гэта такія коміксы пра краіны, дзе персанажы адлюстроўваюцца ў форме шарыкаў, а расфарбаваныя яны ў колер сцягоў сваіх краін.

 

Сёлета ў інтэрнэце сталі з’яўляцца ролікі аб гісторыі краін у шарах. Ужо выйшаў расійскі, тыдзень таму таксама пабачыў свет украінскі. Варта адзначыць, што беларускі сярод іх найдаўжэйшы — аж 23 хвіліны.

Пачынаецца ўсё вельмі проста прашчуры сённяшніх беларусаў палююць на мамантаў і ловяць рыбу, дзесьці на тэрыторыях, дзе існуюць горы. Толькі праз нейкі час яны прыходзяць у басейн Дняпра і Прыпяці.

 

Ужо на тэрыторыі сучаснай Беларусі людзі пачынаюць будаваць дамкі, гадаваць кароваў, сеяць жыта. Карацей, займацца самымі звычайнымі паўсядзённымі справамі. Вельмі цікава паказаны падзел на крывічоў, дрыгавічоў, радзімічаў.

 

Першы персанаж (на ім сучасны герб Полацка), якога можна пазнаць, — гэта Рагвалод. Полацкага князя забівае Уладзімір і забірае гвалтам Рагнеду.

 

 

Мабыць, няма сэнсу дасканала пераказваць усе гістарычныя перэпетыі, што адлюстраваныя ў мульце — шматлікія войны Полацкага княства, узвышэнне Наваградка, барацьба з татарамі, Францішак Скарына, Грунвальдская бітва.

 

Вельмі шмат у роліку войнаў з Расіяй. Фактычна, гэта асноўны супернік з кім вядзе барацьбу наш шарык. Цікава, як падчас Лівонскай вайны Russball усталёўвае свой сцяжок над Полацкам. У выніку ВКЛ вымушаная ісці прасіць дапамогу ў Польшчы, што выліваецца ў Люблінскую ўнію. ВКЛ ідзе на гэтае падпісанне вельмі сумна і не хочучы.

 

На новым шарыку Рэчы Паспалітай адзеты драгунскі шлем, а ў суправаджэнні грае класічная польская песня Hej, sokoły. Далей ідуць Ілжэдзмітрый, рубілава са Швецыяй і Расій.

 

У выніку Расія ўсё болела і болела, мацнела і мацнела. Шарык Рэчы Паспалітай быў загнаны ў цёмны кут, з іншых бакоў падышлі Прусія і Аўстрыя. Нават будучы ўжо абрубкам Рэч Паспалітая ўсё адно яшчэ махалася шабелькай, хоць шанцаў не было ніякіх.

 

Нашы губерні (амаль усе гербы з Пагоняй) апынуліся на ланцугу ў Расіі. Прыскакаў Напалеон, залез верхам на нас. Былі спробы вырвацца, але супраць Расіі, у якой была агнястрэльная зброя, наш шарык ішоў з косамі. Алюзія на паўстанні 1830 і 1863 гадоў.

Калі пачалася Першая сусветная, то толькі заставалася, што стаяць з шырокарасплюшчанымі вачыма ды назіраць за падзеямі.

 

 

Толькі пару секунд узнёслай музыкі прагучала адносна падзей 1918 года, калі абвесцілі БНР. А ўжо праз нейкі час Беларусь зноў падзеленая на агрызачкі — савецкі і польскі. У савецкай частцы людзі ў фуражках стралялі ў патыліцу шарыкам з надпісам БССР і скідвалі трупы ў братэрскую магілу.

Мужна і самааддана мы кідаліся ў барацьбу з шарыкамі са свастыкай, хоць потым беларусаў палілі ў хлявах. Вельмі вобразна перасэнсаваная славутая карціна Волкава «Вызваленне Мінска».

 

Савецкі час — гэта Салігорск, першыя касманаўты, метро ў Мінску. Калі ў 1986 выбухнуў Чарнобыль, то ў нашага шарыка з’явілася трэцяе вока.

 

Канец 1980-х — гэта першыя пратэсты. Нашы шарыкі ўсё яшчэ ў сцягах БССР, але трымаюцца над сабой бел-чырвона-белыя палотнішчы. Пазнавальны вобраз шарыка, які прымае Канстытуцыю над Пагоняй, а потым выкідвае гэты самы герб.

 

Зноў у чырвона-зялёнай гаме Беларусь бегае з братэрскімі абдымкамі за Расіяй. Знайшлі сваё адлюстраванне ў відэа Плошча-2010, выбух у метро. Беларускі шарык сумна назірае за бойкай Расіі і Украіны. Ёсць нават пра нядаўні «налох на тунеяццаў».

 

У канцы ёсць пералік, што значыць той ці іншы шарык.

 

Такі вось мультфільм выйшаў. Цікава, як яго ацэняць у самой Беларусі і за яе межамі?



Дата стварэння навіны 30.08.2017

Возврат к списку