АКТУАЛЬНЫЯ ТЭМЫ: Мінздраў: карупцыя Курапаты Пенсійная рэформа ЧС-2018 Матулі 328:галадоўка Эканамічны крызіс Забойства Паўла Шарамета

Сваякі Пцічкіна чатыры месяцы дамагаюцца кампенсацыі ад МУС

Сваякі Пцічкіна чатыры месяцы дамагаюцца кампенсацыі ад МУС
28.07.2017
Судовыя выканаўцы будуць прымушаць Міністэрства ўнутраных справаў выканаць рашэнне суду пра выплату кампенсацыі сваякам загінулага ў СІЗА-1 Ігара Пцічкіна.

 Міліцыя ігнаруе рашэнне суду.


Маці і сястра ўжо чатыры месяцы намагаюцца атрымаць кампэнсацыю маральнай і матэрыяльнай шкоды, паведаміла праваабарончая ўстанова «Платформа», паведамляе Свабода.

 

23 сакавіка суд Заводзкага раёну Менску задаволіў пазоў сям’і Пцічкіна да Міністэрства ўнутраных справаў Рэспублікі Беларусі і абавязаў міністэрства выплаціць маральную і матэрыяльную шкоду ў памеры 30 000 беларускіх рублёў.

 

«Аднак у МУС Рэспублікі Беларусі вырашылі праігнараваць рашэньне суду Заводскага раёну і параілі пацярпелым зьвярнуцца ў дэпартамент выкананьня пакараньняў МУС Рэспублікі Беларусь, дзеяньнямі якога, на думку супрацоўнікаў сілавога ведамства, і была нанесеная шкода Жане і Ірыне Пцічкіным», — паведамляюць праваабаронцы.

 

У сваю чаргу дэпартамэнт адмовіўся выплочваць кампэнсацыю, спаслаўшыся на тое, што належным адказьнікам у справе прызнанае якраз міністэрства, якое і павінна выплаціць грошы.

 

Паўторны зварот сваякоў Пцічкіна ў МУС быў гэтаксама безвыніковым. Чыноўнікі перанакіравалі дакумэнты ў дэпартамэнт фінансаў і тылу, а той зноў адаслаў іх у дэпартамэнт выканання пакаранняў. А апошні зноў параіў звяртацца да міністэрства.

 

Прваабаронцы параілі сваякам Пцічкіна наўпрост зьвярнуцца да судовых выканаўцаў Цэнтральнага раёну Менску.

 

«На наш погляд, міністру ўнутраных справаў Рэспублікі Беларусі для захаваньня гонару мундзіра і росту даверу да свайго ведамства неабходна было б прынесьці прабачэньні пацярпелым і спрыяць хутчэйшай кампэнсацыі нанесенай яго супрацоўнікамі шкоды, а ня ўцягвацца ў дробязнае зьвядзеньне рахункаў зь сям’ёй загінулага зьняволенага. Гэта ўсяляла б у грамадзян куды больш даверу да міліцыі, чым форма НКВД», — лічаць праваабаронцы «Платформы».

 

Ігар Пцічкін памёр 4 жніўня 2013 году, калі адбываў 3 месяцы арышту за тое, што кіраваў аўтамабілем, ня маючы правоў. Там да яго былі ўжытыя «меры фізычнага стрымлівання ў выглядзе фіксацыі рамянямі», у такім стане малады чалавек знаходзіўся больш за 20 гадзін да моманту смерці.



Дата стварэння навіны 28.07.2017

Возврат к списку

cashback