АКТУАЛЬНЫЯ ТЭМЫ: Выбары-2019 Змена ўраду Атака на СМІ Мінздраў: карупцыя Курапаты Пенсійная рэформа Забойства Паўла Шарамета

«Платформа» заявіла пра пачатак сваёй дзейнасці

«Платформа» заявіла пра пачатак сваёй дзейнасці
25.07.2017
Кіраўнік «Платформы» (Прыватная інфармацыйная ўстанова «Нью Платформ інавэйшн») Андрэй Бандарэнка адказаў пра дзейнасць установы.

 Якія мэты яна перад сабой ставіць, як будзе працаваць у Беларусі? Кіраўнік «Платформы» Андрэй Бандарэнка адказаў на пытанні карэспандэнта Свабоды.

 

— Вы абʼявілі пра пачатак дзейнасці. З чаго пачынаеце працу?

 

— Найпершы наш крок — гэта мы зарэгістраваліся. Вельмі шмат часу пайшло на тое, каб нас зарэгістравалі. Гэтай магчымасьці не было ў Менску, нам давялося зарэгістравацца ў Гомлі і потым пераводзіцца сюды. Самае галоўнае, што знайшлі ў сабе сілы адрадзіцца пасьля таго, што зрабілі з «Платформай» тыя людзі, якія засталіся пасьля мяне. Цяпер маем юрыдычны адрас, афіцыйную рэгістрацыю і 27 ліпеня запускаем сайт, які таксама ствараўся доўга, бо ўсё было зьнішчана і мы ўсё стваралі з нуля.

 

— Дзе будзе знаходзіцца ваш офіс?

 

— На сёньня ў Менску, на вуліцы Веры Харужай, 22, офіс 38. Гэта юрыдычны адрас, які нам дапамаглі прадставіць сябры з Абʼяднанай грамадзянскай партыі. Пакуль там і будзем знаходзіцца.

 

— Наагул зарэгістраваць новае грамадзкае абʼяднаньне ў Беларусі вельмі складана. Як вам гэта ўдалося?

 

— Прававая голь хітрая на прававыя выдумкі. Таму мы і пайшлі такім шляхам, што спачатку рэгістравалі абʼяднаньне на іншага чалавека. А потым, калі зарэгістравалі і ўлады ня мелі магчымасьці павярнуць назад, перарэгістравалі «Платформу» на мяне. А ў Менску нам адмаўлялі ў рэгістрацыі, як толькі чулі пра «Платформу» ці Бандарэнку. Цяпер я і заснавальнік, і дырэктар. Установа мае такі хітры назоў «Платформа» (Прыватная інфармацыйная ўстанова «Нью Платформ інавэйшн»), бо проста «Платформу» нам не давалі зарэгістраваць. Галоўнае, што ў нас ёсьць асноўны брэнд, пазнавальнасць.

 

«"Платформа" ня вельмі моцна зменіцца»

 

— Хто будзе працаваць у «Платформе», ці ёсць структуры ў рэгіёнах?

 

— У нас былі людзі, на якіх мы малі абапірацца, якім маглі давяраць. Пакуль я быў у зьняволенні, можна было выпрабаваць людзей на трываласць. Ужо маем прадстаўніцтвы ў Магілёве, Гомлі, Горадні, Бабруйску і Зэльве. Самае галоўнае, што арганізацыя створаная на правераных і сумленных людзях, на якіх можна абапірацца.

 

— Якая асноўная мэта вашай дзейнасці?

 

— «Платформа» ня вельмі моцна зменіцца. Адным з асноўных кірункаў будзе абарона правоў асуджаных і асобаў, якія сутыкнуліся з жорсткім, бесчалавечным абыходжаннем у месцах пазбаўленьня ці абмежаваньня волі.

 

Другі кірунак, які мы будзем развіваць, — гэта праект «Грамадзянскі кантроль», дапамога нашым грамадзянам у рэгіёнах, якія сутыкаюцца з карупцыяй, бесгаспадарчасцю, кумаўством і ня могуць захаваць свае правы праз ціск, які на іх чыніцца. З шэрагам людзей мы выпрацавалі схему, якая будзе даваць магчымасць ня толькі рабіць публічнымі факты карупцыі, але і абараняць правы гэтых грамадзян.

 

Трэці праект у нас быў і мы будзем яго працягваць — «Несправядлівы прысуд». Будзем выяўляць несправядлівыя прысуды, даваць ім праўную, юрыдычную ацэнку, каб паказаць бяспраўе і беззаконьне, якое часам робіцца пры вынясеньні абвінаваўчых прысудаў.

 

— Міхаіл Жамчужны цяпер адбывае пакараньне ў калёніі ў Горках. Ці ён будзе з вамі ў «Платформе»?

 

Вядома, Міхаіл застаецца ганаровым сябрам «Платформы», гэта наш заснавальнік, чалавек, які для нас важнейшы цяпер за ўсе мэты і задачы. Ён пра гэта ведае, мы яму пішам, падтрымліваем яго. І наш сайт стартуе з дэвізам «Свабоду Міхаілу Жамчужнаму!». Мы будзем прыкладаць намаганні, каб ён быў як мага хутчэй вызвалены і браў актыўны ўдзел у нашай дзейнасці.

 

«Была мэтанакіраваная атака на "Платформу"»

 

— Вы кажаце пра людзей, якія «выдавалі сябе за сяброў і праваабаронцаў» і якія спрычыніліся да ліківдацыі ранейшай «Платформы». Пра каго вы кажаце?

 

— Гэта абʼектыўная рэальнасць. Год таму «Платформа» была зліквідаваная Красоўскай-Каспяровіч, якая тады зяўлялася дырэктаркай. Ёю быў знішчаны сайт і зліквіданыя 15 прадстаўніцтваў «Платформы» у рэгіёнах. Гэта была мэтанакіраваная атака на «Платформу», на зьнішчэньне адной з вядучых праваабарончых арганізацый. Ёй далі допуск да месцаў пазбаўленьня волі з мэтай нібыта маніторынгу. І мы цудоўна ўбачылі мэты, якія меў гэты маніторынг і якія вынікі агучыла Красоўская-Касьпяровіч, якая спрабавала выдаць бязмежжа і бяспраўе, якое творыцца ў месцах пазбаўленьня волі, за захаванне правоў чалавека. А Дэпартамэнт выканання пакаранняў вельмі ўдала гэтай інфармацыяй карыстаўся і нават прадстаўляў яе ў Камітэце правоў чалавека ААН.


Дата стварэння навіны 25.07.2017

Возврат к списку