АКТУАЛЬНЫЯ ТЭМЫ: Змена ўраду Атака на СМІ Мінздраў: карупцыя Курапаты Пенсійная рэформа Справа Федынiча Забойства Паўла Шарамета

Шчаня, выгадаванае з вуха лайкі, павіталася з донарам

Шчаня, выгадаванае з вуха лайкі, павіталася з донарам
30.06.2017
Кланаваная паляўнічая лайка з Якуціі пазнаёмілася са сваёй «мамай», а дакладней сказаць, донарам — Суутук, паведамляе naukatv.ru.


 У пачатку чэрвеня ў гэтым годзе навукоўцы паўднёвакарэйскага інстытута Sooam Biotech Research Foundation сумесна са спецыялістамі з Паўночна-Усходняга федэральнага ўніверсітэта прадставілі свету двух кланаваных лаек.

 

Шчаняты Бэлэх і Кэрэчээне прайшлі вакцынацыю і растуць здаровымі і актыўнымі. 23 чэрвеня адбылася ўрачыстая прэзентацыя шчанюкоў-клонаў у Якуцку. Цяпер супрацоўнікі інстытута вырашылі, што Бэлэху пара сустрэцца са сваімі «бацькамі», а менавіта з Суутук.

 

Гаспадар сямігадовай Суутук спачатку не паверыў, што Бэлэх — яе клон. Зразумела, сабакі падобныя адзін да аднаго як дзве кроплі вады, але ўсвядоміць існаванне клона для якуцкага жыхара стала складанай задачай. Суутук, дарэчы, выдатна прыняла трохмесячнае шчаня, якое выгадавалі з клетак, узятых з яе вуха.

 

У снежні 2016 года на базе лабараторыі ў СВФУ правялі адбор тканак у дарослых асобін якуцкай паляўнічай лайкі — 12-гадовага буйнога белага сабаку па імі Тайга і ў той час яшчэ шасцігадовай самкі Суутук.

 

Супрацоўнікі расійскага і паўднёвакарэйскага ўніверсітэтаў тлумачаць, што мэтай кланавання з'яўляецца выратаванне спрадвечнай пароды якуцкай лайкі, колькасць прадстаўнікоў якой у апошнія гады рэзка скарацілася з-за мешанак.


па інф. НН 


Дата стварэння навіны 30.06.2017

Возврат к списку