АКТУАЛЬНЫЯ ТЭМЫ: Мінздраў: карупцыя Курапаты Пенсійная рэформа ЧС-2018 Матулі 328:галадоўка Эканамічны крызіс Забойства Паўла Шарамета

Дашкевіч пра Гайдукевіча: «Чаго чакаць ад палітычнай прастытуткі?»

Дашкевіч пра Гайдукевіча: «Чаго чакаць ад палітычнай прастытуткі?»
22.06.2017
Лідар «Маладога Фронту» Зміцер Дашкевіч, які ў мінулым годзе разам з паплечнікамі сабраў 10 000 подпісаў за наданне бел-чырвонаму-сцягу статусу гісторыка-культурнай каштоўнасці, пракаментаваў пазіцыю Алега Гайдукевіча, які спачатку заступіўся за сцяг, пазней — перадумаў.

Што мы чакаем ад палітычнай прастытуткі? — запытваецца Дашкевіч. — Сёння ў іх адно, заўтра іншае. Няма пра што казаць. Нам усім варта памятаць: калі напрыканцы 1980-х Сяргей Харэўскі ўздымаў бел-чырвона-белы сцяг над Мінскам, пра гэты сцяг ведала ў лепшым выпадку сотня гісторыкаў. Сёння яго лічаць сваім і ганарацца тры мільёны беларусаў, паводле сацыялагічных апытанняў. Гэта людзі накшталт Аляксандры Герасімені, якія прызнаюць, што бел-чырвона-белы сцяг ім бліжэйшы, хоць самі выраслі ўжо пад чырвона-зялёным. Сцяг абавязкова вернецца і адродзіцца як вярнуўся пасля 70 год савецкага тэрору. Гэта плынь, якую немагчыма спыніць!

Нагадаем, што Ліберальна-дэмакратычныя партыя Беларусі, якую фактычна ўзначальваюць Сяргей і Алег Гайдукевічы, спачатку прыняла гучную заяву аб наданні бел-чырвона-беламу сцягу статусу гісторыка-культурнай каштоўнасці, пасля пытанне было «знята з павесткі дня». Алег Гайдукевіч патлумачыў такі нечаканы крок «палітызацыяй пытання», дадаўшы, што гэта наўпрост «неактуальна». Якім чынам пытанне перастала быць актуальным за такі кароткі час, палітык не ўдакладніў.



Дата стварэння навіны 22.06.2017

Возврат к списку

cashback