АКТУАЛЬНЫЯ ТЭМЫ: Змена ўраду Атака на СМІ Мінздраў: карупцыя Курапаты Пенсійная рэформа Эканамічны крызіс Забойства Паўла Шарамета

КДБ адмовіўся паказаць БАЖу спіс аб’ектаў, якія нельга фатаграфаваць

КДБ адмовіўся паказаць БАЖу спіс аб’ектаў, якія нельга фатаграфаваць
09.06.2017
Журналістам не паведамяць пералік асабліва рэжымных і рэжымных аб’ектаў, якія ў Беларусі забаронена фатаграфаваць.

 Спіс такіх аб'ектаў Беларуская асацыяцыя журналістаў прасіла паведаміць у Саўміна. Аднак запыт быў перанакіраваны ў Камітэт дзяржбяспекі, які адмовіўся падаць такі спіс.

Як гаворыцца ў афіцыйным адказе за подпісам першага намесніка старшыні КДБ Ігара Сяргеенкі, гэтыя звесткі лічацца інфармацыяй, прадастаўленне якой абмежавана.

Прэс-сакратар БАЖ Барыс Гарэцкі назваў адказ з КДБ "нонсэнсам прававой сістэмы", бо журналісты не могуць нават даведацца спіс аб’ектаў, якія ім забаронена фатаграфаваць і здымаць на відэа.



У Беларусі рэгулярна здараюцца канфлікты, звязаныя з забаронай рабіць фота- і відэаздымкі пэўных аб’ектаў. Часцяком міліцыя ды супрацоўнікі аховы заяўляюць, што той ці іншы аб’ект з’яўляецца рэжымным. Але праверыць гэта немагчыма.

па інф. euroradio.fm


Дата стварэння навіны 09.06.2017

Возврат к списку