АКТУАЛЬНЫЯ ТЭМЫ: Атака на СМІ Мінздраў: карупцыя Курапаты Пенсійная рэформа Матулі 328:галадоўка Эканамічны крызіс Забойства Паўла Шарамета

Вярхоўны суд прызнаў кнігу пра Курапаты экстрэмісцкай. Пазьняк: Няма ніякага прымірэння вакол Курапатаў

Вярхоўны суд прызнаў кнігу пра Курапаты экстрэмісцкай. Пазьняк: Няма ніякага прымірэння вакол Курапатаў
13.05.2017
Кнігі «Абарона Курапатаў: Народны мэмарыял» і «Добрая фатаграфія» беларускія мытнікі канфіскавалі 27 верасня 2015 году.

Вярхоўны суд Беларусі прызнаў кнігі Зянона Пазьняка пра Курапаты і гісторыю фатаграфіі экстрэмісцкімі. Выданні затрымалі ў 2015 годзе. Экспэртыза і суд занялі 2 гады.

Кнігі «Абарона Курапатаў: Народны мэмарыял» і «Добрая фатаграфія» беларускія мытнікі канфіскавалі 27 верасня 2015 году ў адказнага сакратара ўправы КХП-БНФ Алеся Чахольскага ў Брэсце. Экстрэмісцкай літаратурай кнігі Пазьняка суд прызнаў яшчэ раней. Вярхоўны суд канчаткова пацвердзіў гэтае рашэнне.

 


Алесь Чахольскі

Чахольскі: Нічога нечаканага для нас няма. Змаганне за Курапаты — гэта змаганне з КГБ, якое там страляла. Яны ня могуць дараваць Пазьняку, што ён знайшоў цела нябожчыка, рэчавы доказ іх злачынства. Гэтая кніга ёсць у вольным доступе ў Інтэрнэце. Дык дзякуй за рэкляму гэтак званым экспэртам. Цяпер мы будзе зьвяртацца ў Камітэта па правах чалавека ААН, каб паказаць увесь маразм гэтай улады.

 

Аўтар кніг, старшыня КХП-БНФ Зянон Пазьняк, распавёў Свабодзе, што лічыць экспэртызу і судовае рашэнне спробай зьнішчыць «доказы злачынства» ў Курапатах.

 

 Пазьняк: Яны то дарогу там рабілі, то крыжы пілавалі, будавалі «Бульбаш-Хол», але нічога ў іх не атрымліваецца. Цяпер яны хочуць туды залезьці пад выглядам дабрадзеяў, каб усё зьнішчыць. Кажуць пра прымірэньне. Няма і ня можа быць ніякага прымірэньня. Гэта тактыка па зьнішчэньні Курапатаў. І рашэньне пра кнігу ў гэтую іх тактыку ўкладаецца. Гэты вэрдыкт суду нічога не мяняе, бо сапраўдныя экстрэмісты — гэта яны самі, гэты рэжым, і іх папярэднікі, якія ўчынілі злачынства ў Курапатах.


 

«Абарона Курапатаў: Народны мэмарыял» — гэта збор аўтарскіх артыкулаў, успамінаў, матэр’ялаў, фатаграфіяў і перадрукаў пасьвечаных тэме абароны Курапатаў.

 

«Добрая фатаграфія» — гэта кніга-альбом, якая складаецца з фатаграфіяў і артыкулаў-эсэ пра фатаграфію, разгляд і аналіз выбраных фатаграфіяў ад сярэдзіны ХІХ стагодзьдзя і да 2012 года.
Дзмітрый Гурневіч, радыё Свабода

Дата стварэння навіны 13.05.2017

Возврат к списку