АКТУАЛЬНЫЯ ТЭМЫ: Мінздраў: карупцыя Курапаты Пенсійная рэформа ЧС-2018 Матулі 328:галадоўка Эканамічны крызіс Забойства Паўла Шарамета

Памёр народны мастак Беларусі Май Данцыг

Памёр народны мастак Беларусі Май Данцыг
26.03.2017
Сёння раніцай памёр народны мастак Беларусі Май Данцыг. Пра гэта ў сябе ў Facebook паведаміў яго калега Ігар Бархаткоў.

Маю Данцыгу было 86 гадоў.

- Гэта адна з найярчэйшых асобаў у беларускім мастацтве апошніх пяцідзесяці гадоў. Прафесійная супольнасьць ужо даўно прызнала яго класікам. Тое, што ён рабіў, тое, што рабіла гэта пакаленне, ужо ніколі не паўторыцца ні ў сваёй якасці, ні ў сваёй колькасці. Яго творчасць назаўсёды застанецца ў гісторыі нашай нацыі, - сказаў Tut.by старшыня Беларускага саюза мастакоў Рыгор Сітніца.

 

Мая Данцыга называлі мэтрам так званага «суровага стылю». Гэты кірунак у рэалістычным савецкім жывапісе 1960-х гадоў.

 

Акрамя гэтага, ён напісаў партрэты Васіля Быкава, Алеся Адамовіча, Анатоля Анікейчыка і іншых вядомых беларусаў.

 

Яго працы захоўваюцца ў фондах Нацыянальнага мастацкага музея Беларусі, Дзяржаўнай Траццякоўскай галерэі ў Маскве, у Музеі ВАВ у Мінску, музейных калекцыях Расіі, Галандыі, Германіі, Бельгіі, Італіі, ЗША і іншых краін.

 

Мастак нарадзіўся 27 красавіка 1930 года ў Мінску. Ён да апошняга выкладаў у Акадэміі мастацтваў. У 2005 годзе Май Данцыг атрымаў ордэн Францыска Скарыны.

 

Як мяркуецца, развітанне з народным мастаком Беларусі пройдзе ў аўторак, 28 сакавіка.



Дата стварэння навіны 26.03.2017

Возврат к списку

cashback