АКТУАЛЬНЫЯ ТЭМЫ: Атака на СМІ Мінздраў: карупцыя Курапаты Пенсійная рэформа Матулі 328:галадоўка Эканамічны крызіс Забойства Паўла Шарамета

Андрэй Дынько: Некалькі добрых і некалькі кепскіх навін пра пагром

Андрэй Дынько: Некалькі добрых і некалькі кепскіх навін пра пагром
22.03.2017
Пра што сведчыць чарговы пагром апазіцыі і скляпаная «справа баевікоў з-пад Асіповіч»?

Са спісу затрыманых вынікае, што, насуперак частым стэрэатыпам, у сілавых структурах ёсць патрыёты беларускай дзяржавы, і іх нямала.

Дрэнная навіна, што гэтых патрыётаў шчэмяць. Патрыётам Расіі і / або аднаго палітыка ўсе дзверы адкрытыя, а патрыётам Беларусі, аказваецца, быць небяспечна.

Дрэнная навіна, што адміністрацыя Беларусі вярнулася да стаўкі на страх, а не на грамадскі дагавор.

Але чаму ўлада вярнулася да тупога застрашвання? Двух тлумачэнняў быць не можа: таму, што ў яе прагнозе 25 Сакавіка на вуліцы Мінска збіралася выйсці беспрэцэдэнтная колькасць людзей, інакш не было б патрэбы ў гэтым пагроме. А гэта — добры знак росту дзяржаўнай і грамадзянскай свядомасці.

Які ж мой прагноз? Калі Масква дасць танную нафту ў абмен на рэпрэсіі, то сітуацыя ў Беларусі вернецца да стану 2011—2013 гадоў на даўжэйшы перыяд.

Калі ж не дасць, то новая адліга пачнецца неўзабаве пасля таго, як будзе збітая хваля пратэстаў, а «баевікі» выйдуць пад падпіску аб нявыездзе.


Дата стварэння навіны 22.03.2017

Возврат к списку