АКТУАЛЬНЫЯ ТЭМЫ: Выбары-2019 Змена ўраду Атака на СМІ Мінздраў: карупцыя Курапаты Пенсійная рэформа Забойства Паўла Шарамета

Жонка блогера Філіповіча: Мне пішуць, каб мы з’язджалі з Беларусі

Жонка блогера Філіповіча: Мне пішуць, каб мы з’язджалі з Беларусі
15.03.2017
Юлія Філіповіч, жонка зьняволенага блогера Максіма Філіповіча, сказала Радыё Свабода, што атрымала праз інтэрнэт папярэджаньне ад невядомай ёй асобы з заклікам зьяжджаць зь Беларусі разам з мужам і дачкой.

Вось цытата з допісу: «Уезжай из страны и дочку увози пока всё не уляжется. Макса после 13 суток забирайте. не высовывай нос. Спрячься на время. Это скриншот с материалов дела. Ты грамотная. Сама ответ найдёшь».

Са словаў на скрыншоце можна зрабіць выснову, што зьняволенаму блогеру нібыта спрабуюць паставіць псыхіятрычны дыягназ, выставіўшы яго «квэрулянтам» — хваравітым скаржнікам.

Увечары 13 сакавіка відэаблогер Максім Філіповіч быў затрыманы і зьмешчаны ў ізалятар часовага ўтрыманьня ў Гомлі. Яго арыштавалі на 13 сутак за ўдзел у «Маршы недармаедаў» у Гомлі 19 лютага.

Пазьней на Філіповіча склалі яшчэ адзін пратакол. На гэты раз — за ўдзел у акцыі «Марш недармаедаў» у Берасьці 5 сакавіка. Пра гэта Філіповіч змог паведаміць сваёй маці праз тэлефон падчас зьняволеньня. Філіповіч кажа, яго «хочуць трымаць у турме як мага даўжэй». 


Дата стварэння навіны 15.03.2017

Возврат к списку