Працягваецца збор сродкаў на выданне ўнікальнага альбома “Другая сусветная вайна на здымках з архіва Ігара Мельнікава” 11.09.2018

Новая кніга – гэта больш за 200 старонак фармата А4 на якіх будуць размешчаны выявы больш за 600 фотаздымкаў, дакументаў і артэфактаў, звязаных з гісторыяй самага жудаснага ў гісторыі чалавецтва ваеннага канфлікта і паходзячых з калекцыі беларускага гісторык Ігара Мельнікава.
На вялікі жаль, доўгі час у савецкай і беларускай гістарыяграіях, а таксама грамадскай свядомасці існавала стэрэатыпнае меркаванне пра тое, што Другая сусветная вайна пачалася для Беларусі ў чэрвені 1941 года. Маўляў, да гэтага  моманту жыхары БССР жылі мірным жыццём, не ведалі, што такое бамбёжкі, голад і разбурэнні, а ўсё іншае адбывалася па-за межамі Беларусі. Аднак, гэта - скажэнне рэчаіснасці. Вайна на беларускія землі прыйшла 1 верасня 1939 года, калі нацыстская Германія напала на Польшчу, у складзе якой на той момант знаходзіліся Віленскае, Навагрудскае, Беластоцкае і Палескае ваяводствы, на тэрыторыі якіх пражывала вялікая колькасць беларусаў. З першых дзён Другой сусветнай тысячы беларусаў уступілі ў шэрагі Войска Польскага, Пінскай рачной флатыліі, Корпуса аховы памежжа і мужна біліся супраць немцаў на розных франтах Вераснёўскай кампаніі 1939 года. Аднак і ўсходняя, савецкая Беларусь, не заставалася ў баку ад падзей, якія разгортваліся ў суседняй дзяржаве.
Падраздзяленні Чырвонай Арміі, якія размяшчаліся на тэрыторыі савецкай Беларусі, былі прыведзеныя ў поўную баявую гатоўнасць, адбывалася мабілізацыя прыпіснога складу, у крамах зніклі соль і запалкі, а савецкія беларусы пацягнуліся ў ашчадныя касы і банкі і пачалі здымаць грашовыя ўклады. Акрамя гэтага, варта ўзгадаць, што ў тыя вераснёўскія дні радыё ў Мінску, сярод іншага, перадавала ў эфіры таямнічае словазлучэнне: “Я – Мінск”. Рабілася гэта дзеля таго, кааб аблегчыць жудасную працу пілотаў люфтвафэ, якія бамбілі заходнебеларускія гарады. Тады, па сутнасці, з тэрыторыі БССР дапамагалі забіваць беларусаў, якія жылі за “рыжскім кардонам”. Варта разумець, што нямецкія бомбы на Берасце, Горадню, Пінск, Баранавічы і іншыя гарады Заходняй Беларусі пасыпаліся ўжо ў першыя дні вайны. Гітлер і Сталін пачалі перадзел Еўропы і першымі ахвярамі гэтай “гульні тронаў”, сярод іншых народаў, якія засялялі міжваенную Польшчу, былі нашыя суайчыннікі.
17 верасня 1939 года, увёўшы свае войскі на тэрыторыю ўсходніх раёнаў Польшчы, СССР фактычна ўступіў у Другую сусветную вайну. Не гледзячы на пераможныя рэляцыі савецкіх штабістаў і журналістаў, тая “міратворчая аперацыя” стала цяжкім выпрабаваннем для Чырвонай Арміі. На лініі савецка-польскай мяжы адбыліся жорсткія баі паміж польскімі вартавымі мяжы з Корпуса аховы памежжа і савецкімі войскамі. Нехта сустракаў “гасцей з Усходу” яблыкамі і кветкамі, але ў шматлікіх населеных пунктах Заходняй Беларусі ў савецкія танкі ляцелі “кактэйлі Молатава”, а чырвонаармейцаў “вітаў” “свінцовы гарох”. Так было, прынамсі, пад Маларытай, у Навагрудку, Горадні і Вільні. Але сілы былі няроўнымі і хутка ўся заходнебеларуская тэрыторыя была занятая савецкімі войскамі і ўключана ў склад СССР. Перыяд з восені 1939-га па чэрвень 1941 года не быў спакойным для заходніх абласцей савецкай Беларусі.
У гэты час тут адбываліся арышты так званага “польскага кантынгента”, дэпартацыі “кулакоў”, саветызацыя і русіфікацыя мясцовага насельніцтва. Але праз два гады вайна ізноў прыйшла на беларускія землі. Былы хаўруснік Іосіфа Сталіна Адольф Гітлер вырашыў стаць адзінаўладным гаспадаром Еўропы і ліквідаваць крамлёўскага канкурэнта. У выніку, беларусам ізноў прыйшлося расплачвацца сваімі жыццямі за геапалітычныя гульні дыктатараў.
Лета 1941 года стала адным з самых жудасных у навейшай гісторыі Беларусі. Мільёны палонных і забітых савецкіх жаўнераў, знішчаныя гарады і вёскі і нацысцкая акупацыя. Але беларусы змагаліся супраць ворага. Нехта ў шэрагах савецкага войска і партызанскіх атрадах, іншыя на заходнім фронце, у войсках хаўруснікаў СССР па антыгітлераўскай кааліцыі. Нашыя суайчыннікі прайшлі ўсе выпрабаванні і зрабілі вялікі ўнёсак у справу Перамогі над “карычневай чумой”.
Кніга, выданне якой зараз можна падтрымаць па гэтай спасылцы (https://ulej.by/project?id=808658&tab=about), складаецца з фотаздымкаў, большасць з якіх паходзяць з прыватнай калекцыі аўтара і ніколі раней не публікаваліся. Выданне падзелена на раздзелы.
Першы з іх прысвечаны даваеннаму часу і ўмяшчае ў сябе два падраздзелы. У першым з іх чытач знойдзе ўнікальныя фота з тэрыторыі савецкай Беларусі. У сваю чаргу, у другім змешчаныя здымкі, якія, у сваёй большасці паходзяць з Віленскага, Навагрудскага, Палескага і Беластоцкага ваяводстваў Другой Рэчы Паспалітай.
Наступны раздзел прысвечаны падзеям верасня 1939 года ў Заходняй Беларусі. Берасцейская крэпасць, савецка-германскі “freundschaft” і яго апагей – сумесны парад у горадзе на Бугу. Здымкі, змешчаныя ў Раздзеле 3 звязаны з папярэдняй часткай кнігі і прысвечаны германа-савецкаму збліжэнню, якое праявілася ў усталяванні сумеснай мяжы на тэрыторыі падзеленай Польшчы, а таксама агрэсіўнай палітыцы СССР і Германіі ў адносінах да суседзяў. Пакуль Сталін спрабаваў акупаваць Фінляндыю, Гітлер рыхтаваўся да кідку супраць Францыі.
Летам 1940 года Парыж паў і Гітлер пачаў рыхтавацца да вайны супраць свайго ўчорашняга хаўрусніка. Акрамя гэтага, летам 1940 года Савецкі Саюз уключыў у свой склад Літву, Латвію, Эстонію, а таксама анэксаваў тэрыторыю Бесарабіі, якая да гэтага ўваходзіла ў склад Румынскага каралеўства. Так, у альбоме чытач убачыць здымкі жаўнераў латвійскага і эстонскага войска, зробленыя ў 1930-я гады. Акрамя гэтага, у выданні змешчаныя ўнікальныя фатаграфіі, зробленыя ў 1940 годзе ў Бесарабіі.
Чэрвень 1941 года стаў жудасным выпрабаваннем для мільёнаў савецкіх грамадзян. Сотні тысяч чырвонаармейцаў загінула і трапіла ў нямецкі палон у памежных баях супраць нацыстаў летам 1941 года. Пра маштаб той катастрофы сведчаць здымкі, змешчаныя ў Раздзеле 4. Наступная частка кнігі прысвечана перыяду нацысцкай акупацыі Беларусі. На здымках, змешчаных тут, аматары гісторыі Беларусі ўбачаць знаёмыя месцы і будынкі, а таксама людзей, якім прыйшлося перажыць цяжкае ярмо акупацыйнага рэжыму.
Нарэшце, у апошнім раздзеле выдання апублікаваныя здымкі і матэрыялы, прысвечаныя ўдзелу беларусаў у барацьбе з нацызмам на розных франтах Другой сусветнай вайны. Калі пра нашых суайчыннікаў, якія біліся супраць нацысцкай Германіі ў шыхтах савецкага войска гаварылася шмат, то пра беларусаў, жаўнераў Другога польскага корпуса пад камандаваннем генерала Уладзіслава Андэрса, якія мужна прайшлі выпрабаванні савецкай рэпрэсіўнай сістэмы, а потым вызвалялі Паўднёвую і Заходнюю Еўропу ад нацызма ў Беларусі доўгі час не памяталі.
Матэрыялы, змешчаныя ў альбоме “Другая сусветная вайна на фотаздымках з архіва Ігара Мельнікава” дазваляюць пашырыць кругагляд ведаў па вайсковай гісторыі Беларусі ў прыватнасці і падзеям Другой сусветнай вайны ўвогуле. Больш таго, выданне двухмоўнае (на беларускай і ангельскай мовах), што дасць магчымасць данесці праўду пра падзеі Другой сусветнай на беларускай зямлі жыхарам іншых краін.

Спасылка на краўдфандынг -https://ulej.by/project?id=808658&tab=about

Ігар Мельнікаў,

Кандыдат гістарычных навук,

Заслаўе, 03-09-2018

“Забыты корпус”. Апошняя магчымасць падтрымаць выданне кнігі 12.04.2018

Зараз адбываецца збор сродкаў на выданне маёй новай, унікальнай кнігі “Забыты корпус. Гісторыя польскага войска на Бабруйшчыне ў 1918, 1919 – 1920 гадах”, прысвечанай гісторыі знаходжання частак Першага польскага корпуса, а потым і Вялікапольскай дывізіі на тэрыторыі Бабруйшчыны ў акрэслены перыяд.
Падтрымаць гэты, вельмі цікавы праект, можна на сайце talaka.org. Засталіся пошнія дні краўдфандынгавага праекта. Новае выданне – гэта больш за 200 старонак унікальных фактаў вайсковай гісторыі Беларусі і Польшчы, а таксама каля 300 архіўных і сучасных здымкаў, большасць з якіх публікуюцца ў Беларусі ўпершыню.
У Беларусі па сёння не выдана ні адной навуковай і навукова-публіцыстычнай кнігі, прысвечанай гісторыі Першага польскага корпуса ў Бабруйску. Дзіўна, што настолькі значная старонка ў гісторыі не толькі горада на Бярэзіне, але і Беларусі амаль не вывучаная ў айчыннай гістарыяграфіі. Больш за тое, значная колькасць не толькі жыхароў Бабруйска, але і ўсёй Беларусі не адрозніваюць перыяд знаходжання Першага польскага корпуса на тэрыторыі Бабруйшчыны ў 1918 годзе і акупацыю Бабруйшчыны польскімі войскамі ў 1919 – 1920 гг. Між тым, гэта зусім розныя гістарычныя сюжэты, хоць і маючыя ўскосныя сувязі. Якія? Тут варта ўзгадаць хаця б тое, што Першы польскі корпус стаў калыскай вайсковых і дзяржаўных кадраў міжваеннай Польшчы.
Напрыклад, Уладзіслаў Андэрс, які падчас Другой сусветнай вайны камандаваў Войскам Польскім на Захадзе, і адзін з бацькоў польскай выведкі Ігнацы Матушэўскі пачыналі якраз з корпуса генерала Доўбар-Мусніцкага. Пра большасць такіх асобаў пойдзе гутарка ў гэтай кнізе. Да таго ж, Вялікапольскае войска, якое будзе змагацца супраць бальшавікоў на Бабруйшчыне ў 1919 годзе, у значнай ступені складалася з “легіянераў”, якія знаходзіліся ў Бабруйскай крэпасці годам раней.
Галоўная мэта гэтага выдання – распавесці чытачам гісторыю стварэння і дзейнасці Першага польскага корпуса на тэрыторыі Беларусі, апісаць тыя факты, пра якія раней не ўзгадвалі айчынныя даследчыкі і навукоўцы. Перыяд, калі гэтая вайсковая фармацыя знаходзілася на тэрыторыі нашай краіны, адзін з ключавых у беларускай гісторыі. Менавіта ў сакавіку 1918 года была абвешчаная незалежнасць Беларускай Народнай Рэспублікі – дзяржавы, без якой не было б створана савецкая Беларусь. БНР стала першай у ХХ стагоддзі спробай беларусаў заявіць пра жаданне жыць у незалежнай дзяржаве. Факт яе стварэння заклаў падмурак, на якім ужо ў канцы ХХ стагоддзя паўстала незалежная Рэспубліка Беларусь. Якую палітыку абрала камандаванне Першага польскага корпуса ў дачыненні да беларусаў і іх краіны? За што змагаліся польскія легіянеры ў 1918 годзе? Як ацэньвалі польскія камандзіры вартасць Бабруйскай крэпасці? Як БНР ставілася да войска Доўбар-Мусніцкага? На гэтыя і іншыя пытанні Вы знойдзеце адказы ў кнізе “Забыты корпус”.
Падзеі польска-бальшавіцкай вайны на Бабруйшчыне – гэта таксама малавывучаны аспект беларускай гісторыі. У новым выданні аўтар паспрабаваў абагульніць вядомыя факты, а таксама знайшоў і апрацаваў значную колькасць новых дакументаў, матэрыялаў і ўспамінаў, якія дапамагаюць зразумець тыя падзеі менавіта з беларускага пункту гледжання.

Асобная ўвага ў выданні нададзеная гісторыі Бабрускай крэпасці – аднаго з архітэктурных цудаў Беларусі. Вельмі спадзяюся, што кніга, якую чытач трымае ў руках, дапаможа яму ліквідаваць яшчэ адну “белую пляму” ў ведах па айчыннай гісторыі, звязаную з гісторыяй Першага польскага корпуса на тэрыторыі Беларусі. Веру, што гэтая праца паспрыяе развіццю цікавасці да мінуўшчыны Бабруйска і цытадэлі на Бярэзіне.
Варта падкрэсліць, што новая кніга прысвячаецца 100-гадоваму юбілею Беларускай Народнай Рэспублікі, а таксама роднаму для яго Бабруйску.
Змест Ад аўтара Раздзел 1. Польскія часці ў Рускім імператарскім войску падчас Першай сусветнай вайны Час адозваў Ад размоў да справы Раздзел 2. Цытадэль на Бярэзіне Збурыць горад і пабудаваць крэпасць Турма для незадаволеных і склад для зброі Раздзел 3. Першы польскі корпус. Гісторыя Фарміраванне войска Доўбар-Мусніцкага “Узяць” Бабруйск Рыцары з берагоў Бярэзіны Мэта – злучыцца Баявыя дзеянні разгортваюцца Беларусы змагаюцца за незалежнасць Завяршальны акорд Уніформа Курган Раздзел 4. Першы польскі корпус. Асобы Юзаф Доўбар-Мусніцкі Ян Скарына Ян (Іван) Урачынскі Уладзіслаў Андэрс Канстанцін Друцкі-Любецкі Канстанцін Плісоўскі Уладзімір Агапееў Баляслаў Язвінскі Карл Тамковіч Міхал Каменьскі Уладзіслаў Обух-Вашчацінскі Лявон Білевіч Ігнацы Матушэўскі Люцыян Жалігоўскі “Крылатыя” легіянеры Раздзел 5. Войска Польскае на Бабруйшчыне падчас вайны з бальшавікамі ў 1919 – 1920 гадах Баі Вялікапольскай дывізіі ў Беларусі Танкі - наперад Вялікапаляне ў горадзе на Бярэзіне Лагер у крэпасці Матэрыялы, крыніцы і літаратура

Адысея палешука. Выдамо беларускі “Ціхі Дон” разам 22.03.2017 8

Безумоўна, кожны з нас чытаў раман-эпапею Міхаіла Аляксандравіча Шолахава “Ціхі Дон”. Трагедыя Рыгора Мелехава не пакінула абыякавым ніводнага чалавека. Аднак такіх твораў можна было б напісаць тысячы, калі б кожны, хто перажыў выпрабаванні ХХ стагоддзя, пазней апісаў іх у якасці мемуараў. Беларус Павал Каленікавіч Нічыпарук такія ўспаміны пакінуў, і яго жыццё — лепшая ілюстрацыя таго, праз якія цяжкія выпрабаванні давялося прайсці жыхарам Беларусі падчас Другой сусветнай вайны.
Цікавым фактам з’яўляецца тое, што ў 1989 г. з рукапісам успамінаў гэтага чалавека азнаёміўся знакаміты беларускі пісьменнік, удзельнік Другой сусветнай вайны Васіль Быкаў. “Я прачытаў Вашыя мемуары. Несумненна, яны заслугоўваюць увагі. Трэба іх выдаць. Дзеля гэтага Вам трэба звярнуцца ў выдавецтва ў Мінску ці ў Маскве (напрыклад, у выдавецтва “Беларусь”), якое выдае падобнага кшталту літаратуру, і прадставіць туды два экзэмпляры рукапісу. Справа гэтая працяглая, таму трэба пачынаць не губляючы часу. Жадаю Вам поспехаў!”, — пісаў Васіль Уладзіміравіч сваяку Нічыпарука. Аднак тады мемуары беларуса так і не ўбачылі свет. Доўгія дзесяцігоддзі яны ляжалі і чакалі свайго даследчыка.
Павал Каленікавіч Нічыпарук нарадзіўся ў жніўні 1902 г. на хутары Жардзечна каля вёскі Запруды (зараз Кобрынскі раён Берасцейскай вобласці). У лютым 1941 г. яго арыштавалі і накіравалі ў лагер ГУЛАГу ў Свярдлоўскай вобласці. У 1942 г. беларус аказаўся ў Арміі Андэрса і ў яе складзе ўдзельнічаў у баях з нацыстамі ў Італіі. У 1948 г. Нічыпарук паехаў у ЗША, дзе і пражыў да самай смерці ў 1979 г. У нататках Паўла Каленікавіча, надрукаваных на машынцы на маленькіх, “амерыканскіх” аркушах паперы, ёсць усё: цяжкая сялянская праца, нечалавечыя ўмовы савецкіх турмаў і ГУЛАГу, фронт і баі з нацыстамі, расстанне з сям’ёй і жыццё ў эміграцыі. А яшчэ — вялікая настальгія па роднай Беларусі. Лёс Нічыпарука тыповы для шматлікіх беларускіх андэрсаўцаў. Нехта пасля вайны вяртаўся ў БССР, і ў 1951 г. савецкія ўлады дэпартавалі гэтых людзей у Іркуцкую вобласць. Іншыя вырашалі застацца “на Захадзе”. Пра гераізм беларускіх жаўнераў Другога польскага корпуса, якія мужна змагаліся супраць гітлераўскіх войскаў на Заходнім фронце, на іх Радзіме, на доўгі час забыліся. І толькі зараз, калі тых ветэранаў Другой сусветнай ужо няма з намі, праўда пра іх жыццё і выпрабаванні, праз якія яны прайшлі, становіцца здабыткам беларускай грамадскасці.
Збор сродкаў на выданне ўнікальных успамінаў Паўла Нічыпарука “Адысея палешука” адбываецца на краўдфандынгавай пляцоўцы “Вулей”. Кожны, хто жадае падтрымаць гэты праект і атрымаць гэтую цікавую кнігу, можа зайсці па гэтай спасылцы


на старонку праекта і падтрымаць яго. Дзеля гэтага трэба націснуць кнопку "Поддержать", выбраць удобную для вас опцыю (суму) і аплаціць з дапамогай карткі ці ЕРИП. "Вулей" працуе па прынцыпу ўсё альбо нічога, таму, каму праект не набярэ патрэбнай сумы, грошы вярнуцца тым, хто іх ахвяраваў. Але спадзяюся, што гэтыя ўнікальныя ўспаміны, усё ж атрымаецца выдаць.
Усе спонсары, не гледзячы на сумму ўдзелу ў падтрымцы выдання кнігі “Адысея палешука” будуць узгаданы на старонках новага выдання. Спадзяюся, што нам разам атрымаецца рэалізаваць гэтую цікавую і вельмі карысную для беларускага грамадства справу.


Сустрэча з польскім міністрам Вашчыкоўскім 23.03.2016 3

Падчас візіта Міністра замежных спраў Польшчы ў Беларусь адным з пунктаў праграмы яго знаходжання ў беларускай сталіцы быў урачысты прыём, у якім, у тым ліку, удзельнічалі члены Групы вайскова-гістарычнай рэканструкцыі “Беларусы ў Войску Польскім”.
Падчас сустрэчы са спадаром министрам беларускі гісторык Ігар Мельнікаў прэзентаваў яму сваю другую кнігу “Мяжа ля Заслаўя 1921-1941 гг.”. Акрамя гэтага рэканструктары пазнаёміліся і з новым амбасадарам Польшчы ў Беларусі спадаром Конрадам Паўлікам.
Рэканструктары ГВГР "Беларусы ў Войску Польскім з новым амбасадарам Польшчы ў Беларусі спадаром К.Паўлікам

Беларусі гісторык Ігар Мельнікаў падчас размовы з Міністрам замежных спраў Польшчы спадаром Вітальдам Вашчыкоўскім
Увазе гасцей сустрэчы рэканструктары прадставілі мундзіры пяхотніка Войска Польскага ўзору 1936 года, марака Рачной флатыліі ВМФ Другой Рэчы Паспалітай з Пінску, пяхотніка Першай польскай дывізіі імя Т.Касцюшкі і байца Арміі Краёвай.  


95 год “рыжскаму міру” 19.03.2016 10

У выніку польска-бальшавіцкай вайны палова Беларусі засталася за палякамі. Бальшавікі, як вядома, былі гатовы аддаць Дмоўскаму і Ко. нават Мінск, але палякі “спужаліся” такой шчодрасці і вырашылі “браць” тое, што ўжо мелі.


Наступныя дваццаць год дзве часткі Беларусі развіваліся рознымі шляхамі, а ў верасні 1939 года адбылося аб’яднанне нашай краіны, але канчаткова беларускія межы вырашыліся толькі пасля Другой Сусветнай вайны.

Сёння, дзякуй Богу, мы незалежная краіна. Аднак наступствы таго штучнага падзелу ўсё ж праяўляюцца ў наяўнасці прарасійскага імперскага шавінізму з савецкім налётам, а таксама так званай “крэсовасцю”, якія па-сутнасці мала чым адрозніваюцца.

У гэтай сітуацыі беларусам, і незалежным арганізацыям і дзяржаве трэба аб’яднаць намаганні ў справе фарміравання нацыянальнай свядомасці беларусаў. Мы народ з багатай еўрапейскай гісторыяй, якой трэба ганарыцца. А незалежнасць – гэта наш галоўны здабытак.

Прапаную Вашай увазе перадачу тэлеканала “Белсат” прысвечаную дадзенай праблематыцы.

Стоўбцы. Паміж Захадам і Усходам 02.12.2015 1

Прадстаўляю Вашай увазе першую лекцыю з цыклу “Гісторыя побач”. Гэта мой уласны праект, накіраваны на папулярызацыю ведаў па гісторыі Беларусі. Калі ён зацікавіць беларусаў, будуць новыя выпускі.  

“Мова нанова” пра “Мяжу ля Заслаўя 1921-1941 гг.” 23.11.2015 17

Разам з арганізатарамі папулярных урсаў беларускай мовы зрабілі перадчу, прысвечаную, у тым ліку,  і маёй новай кніге “Мяжа ля Заслаўя 1921-1941 гг.”, якая распавядае пра малавядомыя факты гісторыі польска-савецкага памежжа ў міжваеннае дваццацігоддзе.
Глядзім перадачу і чытаем кнігу.


“Мяжа ля Заслаўя 1921-1941 гг.” на “Мова нанова” 13.10.2015 1

Прадставіў сваю новую кнігу на папулярных курсах беларускай мовы з Мінску.
Увогуле “Мова нанова” – гэта цудоўнае свята беларускай культуры, гісторыі і, безумоўна, матчынай мовы. Тут і заняткі і цікавыя людзі і выдатная беларуская музыка.
Асабліва варта адзначыць, што на курсы прыходзяць прадстаўнікі розных узроставых груп.
Вось тут была мяжа...
Вельмі важна, што значную групу слухачоў складае моладзь.
Заняткі 12 кастрычніка былі прысвечаны тэме “Заходняя Беларусь”. У іх рамках я прэзентаваў сваю другую кнігу “Мяжа ля Заслаўя 1921-1941 гг.”, прысвечаную гісторыі савецка-польскага памежжа пад Мінскам у міжваеннае дваццацігоддзе.
19 кастрычніка 2015 года прадстаўлю гэтае выданне на курсах “Мова нанова” у Берасці, а 23 кастрычніка – у Бабруйску. У сваю чаргу, 17 кастрычніка 2015 года чакаю Вас сябры на прэзентацыі “Мяжы ля Заслаўя 1921-1941 гг.” у Маладзечна (16-00, вул. Чыстая, 26, “Гасцёўня”).


“Я хачу гэта ўбачыць” пра “Мяжу пад Заслаўем” 06.10.2015

Чарговы выпуск папулярнай беларускай праграмы “Я хачу гэта ўбачыць” прысвечаны гісторыі Ракава і міжваеннай польска-савецкай мяжы ля Заслаўя.
Мне давялося быць адным з экспертаў перадачы, якая была паказана на каналах “Беларусь 2” і “Беларусь 24”. Цікавасць да гісторыі былой “рыжскай мяжы” узрастае як у замежных турыстаў, так і ў саміх беларусаў.
Важную ролю ў гэтым адыгрывае і мая новая кніга “Мяжа ля Заслаўя 1921-1941 гг.”.
Глядзім перадачу канала “Беларусь 2”.


В Бресте презентовали «Заходнебеларускую Атлантыду 1921-1941 гг.» 22.06.2015 4

Мероприятие прошло в культурном центре «Грунтоўня».
20 июня 2015 года в Бресте прошла презентация моей книги, рассказывающей об истории Западной Беларуси. Книга была издана в конце 2014 года и сразу вызвала большой интерес в Беларуси и за границей.
Самое главное, как мне кажется, то, что это издание возродила интерес у белорусов к истории западно-белорусского региона в 1920-1940-е годы. «Атлантида» создавалась для жителей нашей страны, но она вызвала большой интерес и за границей.
Сейчас экземпляры «Заходнебеларускай Атлантыды 1921-1941 гг.» есть в Библиотеке Конгресса США, библиотеке Варшавского Университета, различных организаций в Великобритании, Швеции, Германии, Чехии. Безусловно, есть они и в наших белорусских библиотеках.
Лично для меня было очень важно представить книгу именно в Бресте, так как значительная часть ее материалов посвящена именно городу на Буге. Кроме этого, брестчане давно приглашали и вот долгожданное мероприятие состоялось.
Специально для Бреста я подготовил презентацию из своей коллекции, в которой сделал акцент именно на истории города на Буге.

После выступления состоялась интересная дискуссия, а затем автограф сессия.
Во время автограф-сессии
Сейчас я работаю над второй книгой, которая будет посвященная истории «рижской границы». Одна из первых презентаций этого издания обязательно состоится в Бресте.  


О Западной Беларуси in English 12.06.2015 1

Провел лекцию "Western Belarusian Atlantis 1921-1941" по истории Западной Беларуси в межвоенный период для иностранцев, живущих и работающих в столице Беларуси. Первоначально готовил большой теоретический доклад с картами Сентябрьской кампании 1939 года, выдержками из воспоминаний, обширными цитатами, но затем понял, что в пятничный вечер лучше не грузить гостей Беларуси обширными дозами исторических фактов, а показать им фотографии из моей коллекции и с помощью этих исторических артефактов рассказать историю жизни обычных западных белорусов в 1920-1930-е годы, а также участие наших соотечественников в польско-немецкой войне в сентябре 1939 года.
Получилось, думаю не плохо. Безусловно, значительное внимание было уделено моей книге «Заходнебеларуская Атлантыда 1921-1941 гг.», второе издание которой недавно увидело свет.
После лекции состоялась интересная дискуссия. Гостей мероприятия интересовали все аспекты того не простого времени. Разговор был и о Сентябрьской кампании 1939 года, и о советизации Западной Беларуси, и о Белорусском катынском списке и о боях на линии старой границы в июне 1941 года.
На лекции присутствовали гости из США, Германии, Польши, Великобритании и многих других стран.
Напомню, 20 июня книгу «ЗаходнебеларускаяАтлантыда 1921-1941 гг.» презентую в Бресте.

Mediabarcamp 2015 11.05.2015 5

С 7 по 10 мая в местечке Дубингяй, в одном из пансионатов, расположенном под Вильнюсом, прошла крупная медиа-конференция, в которой участвовало около 150 журналистов и блогеров из Беларуси и других стран.
Мероприятие проводится уже в 8 раз, но я в нем участвую впервые. Формат «Медиабаркэмпа» отчасти напоминает научную конференцию, впрочем, есть и свои отличия.
В этом здании проходила конференция
Перед началом «Медиабаркэмпа» его участники голосуют за 12 презентаций, которые сразу же вносятся в программу мероприятия. Тем, кому не посчастливилось попасть в этот список, вынуждены «бороться за место под солнцем».
Они сами вписывают свои презентации в программу «Медиабаркэмпа», а те, кто не успел сделать и этого, довольствуются «Печа куча» - марафоном, во время которого выступающим предоставляется 7 минут на рассказ о своем проекте и показ слайдов. Время ограничено, но таковы правила.
Открытие "Медиабаркэмпа"
Новичкам везет. Мне удалось представить…четыре презентации и показать один из своих фильмом. Первый блок моего выступления был посвящен рассказу о выставке «Заходнебеларуская Атлантыда», которая открылась в сентябре 2014 года в Заславле и была закрыта по решению областного идеолога.
Во время презентации выставки "Заходнебеларуская Атлантыда"
Во время презентации выставки "Заходнебеларуская Атлантыда"
Во второй презентации я рассказывал о том, как с помощью военно-исторической реконструкции можно формировать историческую грамотность белорусского общества. Третье выступление содержало отчет об «Экскурсии-реконструкции по бывшей «рижской» границе под Заславлем». Наконец, во время пятой презентации, представленной в формате «Печа куча», я рассказал о нашем сайте «Историческая правда».
Во время презентации ГВИР "Белорусы в Войске Польском"
9 мая 2015 года, в великий день Победы, организаторы мероприятия запланировали показ фильма «Варшавский рубеж. Белорусы в войске Польском», снятого в рамках цикла документальных фильмов «Обратный отсчет» для канала ОНТ. Несмотря на позднее время, на это мероприятие пришло большое количество участников «Медиабаркэмпа», которые с удовольствием посмотрели докудрамму.
«Mediabarcamp 2015» оставил о себе самые приятные воспоминания. Это качественный и хорошо подготовленный медиа-форум, дающий возможность журналистам и блогерам обменятся опытом и узнать много нового.
Выступает племянник знаменитого "революционера" Че Гевары
Во время презентации "Исторической правды"
9 мая 2015 года. Во время показа фильма "Варшавский рубеж. Белорусы в Войске Польском" из цикла "Обратный отсчет"
#mediabarcamp
#zachodnebelaruskayaatlantyda


Страницы: 1 2 3 4 5 След.
Читать другие новости

Игорь Мельников